Maganda ang relasyon ng Film Development Council of the Philippines (FDCP) sa Cinema Exhibitors Association of the Philippines (CEAP).
“Sa katunayan, gumawa na kami ng preliminary survey tungkol sa viewing habits ng Pinoy,” lahad ng FDCP Chairman na si Direk Jose Javier Reyes sa mediacon nitong nakaraang Agosto 16, Biyernes ng hapon sa Kandle Cafe, Mother Ignacia Ave., Quezon City.
“OK, and Filipino movies, which we have presented to CEAP, and we have a more extensive one which we’re giving them on December.
“So, maganda yung aming relasyon sa CEAP. Because we need them, OK. We need them greatly in order to disseminate more Philippine movies to our larger audience.”
Nakikipag-negotiate ang FDCP sa CEAP upang ang isang sinehan sa mall ay gawing Cinematheque na pagpapalabasan ng art films every weekend.
“Inaayos pa namin iyan. Siyempre, negosyo iyan sa mall, hindi ba? Inaayos namin,” pagtatapat ni Direk Joey.
“Pero kasi, andaming bagong mall, hindi ba, na nangangailangan ng content din, OK.”
Read:
Joey Reyes on Un/happy For You success: "It gives us hope."
Joey Reyes mas gustong matawag na Direk Joey kesa "chair"
DIREK JOEY SHARES SURVEY RESULTS REGARDING PINOY MOVIEGOERS
Anu-ano ang natuklasan nila sa preliminary survey kaugnay sa Pinoy moviegoers nowadays?
“Yung unang survey namin, survey-survey lang. Number one is wala na ang D and E audience,” pagsisiwalat ng multi-awarded scriptwriter-director.
“Yung mga dating nanonood ng pelikula, na hindi na nanonood dahil they cannot afford.
“Tapos, maski yung C market, hindi ba, ang nanonood lang, B and C-1. Not even C-2 and C-3.
“So in other words, limitadung-limitado na. Which explains why, yung mga biggest hits ng Metro Manila Film Festival ay yung mga ganung klaseng pelikula.
“Remember the year that Deleter was the biggest hit? Kasi iba na yung audience na nanonood talaga, na can afford.
“So that strikes an alarming bell, no? Tapos, naano namin na andaming… naku, you all notice, iniintay na lang sa streaming.
“Tapos kasi, yung window sa streaming, hindi ba, sometimes as low as 45 days. So imbes nagumasta ka ng PHP500, hindi ba, hintayin mo na lang.
“At ang isa pang na-realize nila, kahit yung can afford, nawala na ang return business.
“Hindi ba’t dati, pag gusto mo iyong pelikula, ilang beses mong pinapanood?
“Ngayon na-realize nila na papanoorin mo minsan, tapos hihintayin mo na sa streaming. So anlaking kabawasan!”
Ang techno-horror movie na Deleter ay pinagbidahan ni Nadine Lustre, at topgrosser ng MMFF 2022.
Para sa taong 2023, apat na pelikula ang nagpakitang-gilas sa takilya. Umariba nang lubos ang MMFF 2023 entry na Rewind nina Dingdong Dantes at Marian Rivera, at siya nang pinakamalakas na pelikulang Pilipino sa kasaysayan (hindi adjusted sa inflation).
Ang tatlo pang movies last year na lumampas sa PHP100M ang kinita sa takilya ay ang MMFF 2023 entry ni Piolo Pascual na Mallari, ang A Very Good Girl ni Kathryn Bernardo, at ang Five Breakups and a Romance nina Alden Richards at Julia Montes.
DIREK JOEY URGES PINOY FILMMAKERS TO “THINK GLOBALLY”
Haping-happy si Direk Joey na meron nang pelikulang Pilipino na tumipak sa takilya ngayong 2024.
Ito ay ang reunion movie nina Joshua Garcia at Julia Barretto na Un/Happy For You na nag-open sa 200+ cinemas nationwide noong Agisto 14, Miyerkules.
Idinirek ito ni Petersen Vargas, na siya ring nagdirek ng unang Pinoy movie na box-office hit last year, yung A Very Good Girl.
As of August 17, Saturday, 3:00 P.M. ay 320 na ang cinemas nationwide ng reunion movie ng JoshLia.
Kasado na ang international screenings ng Un/Happy For You, na uumpisahan sa Agosto 22, Huwebes sa Australia. Agosto 23, Biyernes ang pag-ariba sa USA, Guam, Canada, at Saipan.
Coming soon sa New Zealand, Camboadia, Italy (Rome at Milan), Malta, at Middle East (UAE, Oman, Qatar, Bahrain, Saudi Arabia).
Nagbibigay ng pag-asa sa local movie industry ang tagumpay ng Un/Happy For You dahil tinangkilik ito kahit hindi MMFF ang playdate nito.
Lumiit na ba talaga ang bilang ng mga nanonood ng sineng Pilipino?
“Sobra! Sobra!” bulalas ni Direk Joey.
Batid na rin ba ng movie producers ang resulta ng nasabing preliminary survey?
Tumango si Direk Joey, “Oo, alam din nila. Alam din nila. Kasi, alam mo, chicken-and-egg situation, e.
“Pag puchi-puchi yung movie mo na ang budget mo, pipitik-pitik lang, hindi ka papanoorin. Kasi, ang taas na ng antas nung mga nakaka-afford.
“Kung ikaw nanonood ng Netflix at napapanood mo lahat ng mga Korean, hindi ba, na bonggang-bongga ang production value, hindi ka na gagasta ng PHP400, PHP300 sa isang puchi-puchi movie, no?
“Na alam mong shot in seven days. Or even three days, hindi ba. So you’re demanding a certain quality.
“On the part of the producer naman, ‘Pag gumasta ako ng PHP25M…’ Ano ang chances na mababawi ko iyon?
“So talagang chicken-and-egg situation. Kaya ang importante niyan is we think of a market much larger than the Philippines, e.
“You have to think globally now without sacrificing yung pagiging Pilipino.
“Hindi ka naman gagawa ng mga art form films na talagang kayu-kayo lang ang nakakaintindi, hindi ba?”
DIREK JOEY ON THE CHALLENGES BEING FACED BY PINOY FILM PRODUCERS
Ipinunto ni Direk Joey ang Thai film na How To Make Millions Before Grandma Dies, na ipapalabas na sa Netflix umpisa Setyembre 12.
Pumatok ang nasabing drama film hindi lang sa Thailand kundi maging sa iba pang bansa sa Southeast Asia, partikular sa Indonesia, Singapore, Malaysia, at Pilipinas.
Pagmamatuwid ni Direk Joey, “Thai na Thai siya! Pero universal ang tema. Di ba, universal ang tema niya.
“It never pretended to be anything else but a Thai film. Story is king! Story is what matters most. And we should emphasize on that.
“Ang isa pang naano namin, ano, ang masaklap… the romcom, it cannot just be the same kind of romcom we used to do before.
“Kasi yung ganung klaseng romcom, sa tingin nila, hindi na nila inaabangan.”
Kung hari ang istorya upang tangkilikin ang pelikula, ano ang dapat i-level up pa? Ano ang challenge upang sumigla muli sa takilya ang local movies?
“Ang challenge is, hindi sa kapos tayo sa kuwento. Ang problema is, ilang producer ang handang mag-invest ng pera sa mga kuwentong ito?” tugon ni Direk Joey.
“I think a great amount of the challenge is with the producers because… any which way you look at it, they’re the ones that fuel the industry. Hindi ba?
“Hopefully, we can get the government to help us. You know, provide opportunities for films to be made.
“Even in terms of support, whether it is partial or full. But what is important is that producers have to be shaken to realize that, look, there is nothing wrong with purely commercial movies.
“I think they are important. But equally important is, for films to be made. Real Filipino films.
“But you know what, even though we’re fighting this uphill battle, ahh if only you can hear and see the works of the young filmmakers and their possibilities, ipaglalaban mo, e! Ipaglalaban mo.
“There was never a moment that we should doubt the capacity and talent of the Filipino creative, e.
“It’s a matter of giving them the right opportunities.”
FDCP COMMEMORATES 4TH PHILIPPINE FILM INDUSTRY MONTH IN SEPTEMBER
Pangungunahan ng FDCP ang pagdiriwang ng 4th Philippine Film Industry Month (PFIM) sa Setyembre, na ang tema ay “Tuloy Ang Tradisyon ng Pelikulang Pilipino.”
Pagpupugayan dito ang labing-isang National Artists for Film — Eddie Romero, Lamberto Avellana, Fernando Poe Jr., Nora Aunor, Manuel Conde, Marilou Diaz-Abaya, Ricky Lee, Lino Brocka, Ishmael Bernal, Gerry de Leon, at Kidlat Tahimik.
Ang opening ceremony ay sa Setyembre 1 sa Metropolitan Theater, kung saan may special screening ang pelikulang Aguila (1980) na pinagbidahan ni FPJ, sa direksyon ni Eddie Romero.
Ipapalabas ang classic films ng 11 National Artists sa Cinematheque Centers sa Manila, Iloilo, Negros, Davao, at Nabunturan.
Setyembre 13 ang PFIM Gala Night sa Teatrino Promenade sa Greenhills, San Juan City.
Setyembre 14 ilulunsad ang Films for Peace sa Intramuros Centro de Turismo sa Maynila. May screening ng pelikulang Tatlong Taong Walang Diyos (1976) na pinagbidahan ni Nora Aunor.
Setyembre 27 ang PFIM Closing Ceremony sa Seda Vertis North. Ia-announce doon ang aspiring entry ng bansa sa 97th Academy Awards o Oscars.
Read:
Direk Joey Reyes, may aral na gustong ibahagi sa mga baguhang direktor
FDCP 2nd Parangal ng Sining, bubuhayin ang Golden Age of Philippine Cinema