Pagkatapos ng halos apat na taon, muling nakapiling ng aktor na si Dennis Padilla ang kanyang musmos na mga anak na sina Gavin at Maddie Padilla na kasalukuyang naninirahan sa Australia.
Nasa poder ng ex-partner ni Dennis na si Linda Gorton ang dalawang bata.
Ang Filipino-Australian na si Linda ay nakarelasyon ni Dennis sa loob ng labindalawang taon.
Taong 2020 sila naghiwalay.
Read: Dennis Padilla reveals separation from live-in partner; sends financial support to kids
DENNIS PADILLA: "AFTER 4 LONG YEARS..."
Sa Instagram noong September 13, 2024, ibinahagi ni Dennis ang larawan nila ni Maddie.
Mensahe niya sa caption (published as is), "Dearest Maddie.... Tagos sa aking puso na muli kang mayakap... After 4 long years.... God bless you more anak"
View this post on Instagram
Sinundan niya ito ng larawan naman nila ni Gavin.
Naluluha raw siya dahil matapos ang apat na taon ay muli niyang nakapiling ang mga anak.
Saad ni Dennis (published as is), "My dearest Gavin Simeon.... You grew so fast... The way you talk..move and think... Love you my son... Umagos ang aking mga luha ng mayakap kita muli... Apat na taon.... Salamat sa Diyos."
View this post on Instagram
Ikinatuwa naman ito ng kanyang followers:
Read: Dennis Padilla hints at missing his grown children
DENNIS PADILLA-LINDA GORTON ISSUE
Noong April 2024, naghayag si Linda ng kanyang saloobin tungkol sa mga naging pahayag ni Dennis.
Kaugnay ito sa sinabi ni Dennis sa PEP.ph (Philippine Entertainment Portal), noong February 2024, na maayos ang kalagayan ng kanyang mga anak at nasa co-parenting set-up sila ng nakahiwalayang si Linda.
Ani Dennis "Yes, maayos naman, maganda naman yung co-parenting arrangement namin, and regular ko naman silang nakakausap ng video call.
"For the past three and a half years, dun na sila nakatira, so medyo madugo ang labanan, child support. Mahal ang dolyar, e.
"Child support tayo, Australian dollars din.
"Awa ng Diyos, I am able to support and I am able to send their monthly child support."
Read: Dennis Padilla reveals separation from live-in partner; sends financial support to kids
Sa inilabas na pahayag ni Linda, sinabi niyang hindi consistent sa pagbigay ng financial support ni Dennis para sa kanilang mga anak.
Dito niya binanggit ang tungkol sa "madugo" na sinabi ni Dennis sa PEP.ph interview.
Sabi ni Linda, "This post is to clarify some things the father of my kids, Gavin and Maddie, said in an interview not long ago and what circulated around social media at that time.
"First of all, consistency in child support wasn't always the case. Through the years there were many lapses in between.
"And many times I had to, and still have to persistently ask for it kasi kung papabayaan ko, matagal at kulang kulang ang padala.
"Because i also work here, Ako ang nagpuno sa mga pagkukulang na iyon.
"I don't know what "madugo" meant in his statement when this is what was more or less the normal expenses for the kids even back then when we were still living together."
Pangalawa, lumiliit din daw ang halaga ng ipinapadalang sustento ni Dennis pagdating sa Australia dahil sa cost of living doon.
Aniya, "In fact, the support he gives to the children, when spent here lumiliit na kasi the actual cost of living in Australia is far more expensive compared to the Philippines.
"And not to mention they go to school here for free. No tuition fees are needed because they both attend a public school. So less expense for him really."
Malaking tulong daw ang financial support, pero mahirap daw ang magpalaki ng tatlong anak sa Australia.
Bukod sa dalawang anak nila ni Dennis, may isa pang anak si Linda bago pa sila nagsama ni Dennis. Ang pangalan nito ay AC.
Pagpapatuloy ni Linda, "Although financial support is still big help, raising three children alone, especially here in Australia where I don't get to hire people for help and has to work at the same time, is not a stroll in the park.
"This is common knowledge but worth mentioning because it really is not easy. It demands a lot of physical, mental, and emotional effort.
"And a lot of my time for the kids is sacrificed because I need to work. But I can't complain because I love my kids dearly. I would do anything and everything maging maayos, mabuti at masaya lang sila."
Read: Dennis Padilla, nakatanggap ng mensahe mula kay Julia Barretto
LINDA GORTON: "WE HAVE NO CO-PARENTING SET-UP"
Nilinaw rin ni Linda na wala silang usapan ni Dennis tungkol sa co-parenting noong naghiwalay sila taong 2020.
Aniya, "Secondly, we don't have a co-parenting set up because since we parted ways in July of 2020, we never had a formal conversation about our separation and how we will raise our kids. Basta nakakausap niya lang ang mga bata."
Sa huli, nilinaw ni Linda na ang hiwalayan nila ni Dennis ay hindi tungkol sa pera.
Saad niya, "Lastly, Why Dennis and I separated goes beyond 'hindi pagkakaintindihan.' It was never about financial problems.
"I stayed with him for almost twelve years mayroon man kami o walang pera. I stayed for him and I stayed for the kids because I wanted a complete family for all of us.
"But just like most things in life, you can't have everything you want. In the end, if there were many new things that he learned in life just like he said, so did I.
"I learned more about self-worth, patience, understanding, and to only speak the truth."
Read: Dennis Padilla's ex-partner Linda Gorton denies co-parenting setup
Wala namang pahiwatig si Dennis sa Instagram kung personal silang nagkausap ng ex-partner na si Linda.