Nagparamdam na ang gobernador ng Camarines Sur na si Luigi Villafuerte matapos itong akusahan ng netizens na nagbabakasyon sa Siargao habang nananalasa ang bagyong Kristine sa bansa.
Sa kanyang Instagram ngayong Huwebes, October 24, 2024, nag-upload si Villafuerte ng video kung saan hila-hila nila ng kanyang mga kasama ang isang rubber boat habang binabagtas ang bahang daan.
Sabi ng gobernador sa caption, "Organizing transport of goods and setting up ropes and bamboo boats for stranded passengers from San Fernando to other parts of the Province.
"We are at a state of calamity and need any assistance that can be given. Preferably rubber boats, potable water, & canned goods.
"I thank the uniformed personnel of the National Government, emergency response groups of LGU’s for their service & saving many lives. Mabuhay kamo. I also commend members of the community that gave a helping hand.
"Rest assured, we are on the ground doing everything we are capable of. We are all working together as one province, one community, & one country to overcome this calamity."
View this post on Instagram
Kahapon, October 23, kumalat sa social media ang isang meme kung saan makikita ang larawan ni Luigi at ng kanyang amang si Camarines Sur District Two representative LRay Villafuerte.
Nasa background ng kanilang mukha ang larawan ng mag-ama, kasama ang girlfriend ni Luigi na si Yassi Pressman at ilang kaibigan, habang nagbabakasyon sa Siargao.
Nakalagay rito ang mga salitang "Marked Safe in Siargao during Typhoon Kristine."
Nakalagay sa caption ng post, "Don't worry. Safe na safe po sila."
Read: Yassi Pressman to Luigi Villafuerte: “My heart is SO happy."
LUIGI VILLAFUERTE'S FATHER LRAY REACTS TO "FAKE NEWS"
Sa ulat ng Cabinet Files ngayong araw, pinabulaanan ng ama ni Luigi na si Congressman LRay Villafuerte na nasa Siargao sila habang nanalasa ang bagyo sa kanilang lalawigan.
Sabi niya sa kanyang post sa Facebook (published as is), "Ngayon panahon ng kalamidad Dapat lahat nag tutulungan at Nagkakaisa , kaya lang ang mga desperado , mga sinungaling at mga ulol namin na mga kalaban nag papalabas ng fake news sa kanilang mga fake accounts na ako daw at si gov luigi ay nasa siargao daw ngayon habang ang Ating mga kababayan ay nag hihirap sa baha!
"Kasinungalingan at hinde tutoo ito ! Dahil Alam ng mga taga camsur na puro panira at daldal lang ang aming mga kalaban at wala natutulong kaya gusto lang nila gumawa ng fake news para siraaan kami !
"Yan picture na kinakalat nila ngayon daw o kahapon nasa siargao kami kasama ang mga sk sa ibat ibang bayan ng camsur . Yan photo in siargao posted kahapon or today was taken Saturday at lahat ng sk nakabalik na ng camsur Monday bago pa nag bagyo ."
Damay rin sa bashing ang girlfriend ng anak na si Yassi Pressman.
Read: LRay Villafuerte, umalma sa "fake news" sa kasagsagan ng bagyo
Sa kanyang Instagram, may mga naninita kay Yassi sa lumang post nito sa Instagram.
Ngunit walang sinagot si Yassi sa mga ito.