Binigyang-linaw ni Yassi Pressman ang tunay na estado ng ugnayan nila ni Camarines Sur Governor Luigi Villafuerte.
Sa panayam ng aktres sa 24 Oras ng GMA-7 noong nakaraang linggo, sinabi ni Yassi na matagal na silang magkaibigan ng politiko.
Aniya, “Me and Luigi have known each other for a very long time. Parang 10 years na kaming magkakilala.
"So now, we're just spending more time together and getting to know each other more.”
Naugnay ang pangalan ng dalawa dahil sa sunud-sunod na ang sightings sa pagitan ng aktres at ni Luigi.
Una silang namataang magkasama sa 74th Foundation Day ng Bombon, Camarines Sur, noong August 13, 2023.
Namataan ditong hinalikan ng gobernador si Yassi sa pisngi.
Read: Yassi Pressman now being linked to politicians Sandro Marcos, Luigi Villafuerte
Mas lalo pa itong umingay dahil sa pag-amin ni Jon Semira, ex- fiancé ni Yassi, na hiwalay na sila ng aktres.
Read: Jon Semira confirms breakup with Yassi Pressman: “It was a decision made from the both of us.”
Sa isang Facebook post naman noong August 19, 2023, nagbahagi ang isang netizen ng larawan ni Yassi kasama ni Governor Villafuerte na tila nasa isang ATV adventure na sasakyan.
Caption ng netizen, “SALA NA NAMAN NAKAPTAN NI GOV [laughing emoji]” (Mali na naman nahawakan ni gov)"
ON BREAKUP WITH FIANCÈ JON
Binasag na rin ni Yassi ang kanyang katahimikan ukol sa breakup nila ng fiancé na si Jon.
Nais daw nilang gawing pribado ang dahilan ng kanilang paghihiwalay ng landas.
Saad niya, “Bilang tao, meron pa rin pong mga bagay na we wanted to keep private.
“Pero okay lang, me and the people involved, lahat kami maayos at nag-uusap pa rin kami hanggang ngayon.”
Inamin ni Yassi na bilang tao ay may mga pinagdadaanan pa rin siya, pero tuloy pa rin daw ang buhay.
Aniya, "Kahit na you show up to work all the time, and you're happy, and you're ready, inside, meron pa rin pong mga pinagdadaanan kasi po lahat naman tayo mga tao lang. So we try to show up every day."
Pinag-usapan naman lalo ang hiwalayan nina Yassi at Jon dahil sa lumabas na engagement video nila ilang araw matapos maisapubliko ang kanilang hiwalayan.
Read: Yassi Pressman-Jon Semira engagement video goes viral after confirming their breakup