Sa wakas ay ibinahagi na ni Ellen Adarna ang videos at photos noong ipinagbubuntis pa lang niya ang kanilang panganay na anak ng asawang si Derek Ramsay.
Ayon kay Ellen, ipinagdasal niya sa Panginoon na bigyan siya ng tahimik at matiwasay na pagdadalantao.
At nangyari nga ang kagustuhan niya dahil halos hindi naramdaman at napansin ng publiko na nabuntis siya.
Read: Ellen Adarna, ilang buwan nang buntis?
Saad ni Ellen, "I prayed for a stressfree, quiet and peaceful pregnancy and God gave it [heart, praying hands, woman kneeling down emojis]
"The only Bump photos / videos i have during this pregnancy. [baby emoji]"
Nagpasalamat din siya sa asawang si Derek sa labis na pasensiya nito sa kanyang tantrums noong nagbubuntis siya.
Saad niya, "Dear husband @ramsayderek07 thank you for just letting me be, letting my pregnant hormones be - psycho (not the other way around) and for always reassuring me that im still loved even when im not so lovable (yes, he wrote that love note). and to my OB @jvgermar for teaching me patience (laughing emojis)."
Ang tinutukoy niyang "note" ay ang isang larawan sa kanyang post na may nakasulat na "I love you no matter what you do!"
Biro pa ni Ellen sa huli, "Pwede pa 3 more [babies emojis] joke!
"I dont miss being pregnant but i miss sleeping all day and eating everything #throwback"
View this post on Instagram
Read: Ellen Adarna denies keeping her pregnancy a secret
ELLEN ADARNA ON GENDER REVEAL, BABY SHOWER
Sa comments section, isang netizen ang nagkomento tungkol sa hindi umano pagiging maluho ni Ellen pagdating sa kanyang pagbubuntis.
Ang iba raw kasi ay nagkakaroon pa ng gender reveal at baby shower bago magsilang.
Meron pa nga raw nalulubog sa utang para lamang sa mga event na ganito.
Ayon sa netizen, bagamat may kakayahan si Ellen na magkaroon din ng gender reveal at baby shower ay hindi niya ito ginawa.
Komento ng netizen (published as is), "Mabuti pa to si @maria.elena.adarna kahit may kakayahang mag gender reveal and lahat lahat, still remained quiet lang.
"Yung kakilala ko, di baleng lomobo ang kautangan, maitawid lang ang mga kapritso na di naman afford. Say mo ____ [face with a hand covering its mouth emoji]"
Sagot ni Ellen, hayaan na lang ang iba dahil buhay naman nila iyon.
Siya naman daw ay walang ginawang gender reveal o baby shower dahil hindi niya ito trip. Wala rin daw siyang utang.
Buong sagot ni Ellen, "hayaan mo lang sila kung ano trip nila sa buhay. Kanya kanyang trip lng yan. Basta ako wala kong gender reveal walang baby showrer and wala akong utang - diko trip mga ganyan hehehe"
Ipinanganak ni Ellen ang baby girl nila ni Derek nitong nakaraang October 2024.
Read: Ellen Adarna gives birth to first baby with husband Derek Ramsay