Kinondena ng Miss Universe Philippines (MUPh) Organization ang inasal ng pageant vlogger at content creator na si Adam Genato
Nag-ugat ang pagkondena ng MUPh sa isang viral video na nagpapakita sa opinyon ni Genato tungkol sa resulta ng Miss Universe 2024 na ginanap sa Mexico City noong Nobyembre 16, 2024.
Read: Miss Denmark wins Miss Universe 2024
Mapapanood sa naturang video ang bahagi ng pahayag na ito ni Genato: “Kung si Ahtisa Manalo ang ipinadala natin ngayon dito sa Mexico or even si Christi McGarry, dyusko siguro, Lord, buong tatlong linggo nitong mula October 29 to November 18, siguro hindi na tayo matutulog.
“Talagang ganoon kaingay yung dalawang yon, di ba? Kasi tingnan mo, sino ang pinanalo nila? Si Denmark, di ba Barbie-looking?
"E, sino ba ang closest Barbie-looking natin nung nakaraang MUPh di ba? Si Ahtisa di ba?”
Mabilis na kumalat ang video ni Genato na umani ng mga kritisismo mula sa pageant community.
Read: Chelsea Manalo named first Miss Universe Asia
MISS UNIVERSE PHILIPPINES ISSUES STATEMENT
Ito ang dahilan kaya naglabas ang MUPh ng opisyal na pahayag ngayong Biyernes ng umaga, Nobyembre 22, 2024.
Kinondena ng organisasyon ang "unfair, insensitive, hurtful and dismissive of her accomplishments" comments ni Genato tungkol kay Chelsea.
Tinawag din ng MUPh na "bullying at irreponsible vlogging" ang ginawa ni Genato, na "accredited MUPh media partner" na uma-attend sa kanilang events.
Dapat daw ay maging maingat ang pageant vloggers sa pagpapahayag ng kanilang opinyon tungkol sa mga kandidatang ipinapadala sa international beauty pageants, at iwasan ang maghayag ng "demeaning statements."
Maging responsable raw sana ang mga nabibigyan ng platform na maging responsable sa mga inilalabas nilang komento at content.
Ito ang buong pahayag ng Miss Universe Philippines Organization:
“The Miss Universe Philippines Organization condemns the recent video commentary of Mr. Adam Genato regarding Miss Universe Asia 2024 Chelsea Manalo. His comments are unfair, insensitive, hurtful and dismissive of her accomplishments.
“We do not tolerate bullying and irresponsible vlogging especially from an accredited MUPh media partner whom we have welcomed in our events.
“For too long, we have allowed such behavior to be tolerated because bashers and haters have been an accepted part of social media. But in reality, we still have a choice to normalize it or speak up against it.
“We believe that content creators, bloggers and vloggers, should be guided by respect, responsibility and decency. In particular, we believe pageant vloggers should exercise greater care in expressing opinions about our delegates, and refrain from making demeaning statements.
“We also hope that those who are fortunate enough to earn from their platforms should exercise greater amount of responsibility for their commentaries and the context they publish. Making potentially or intentionally controversial statements for clout and engagement, but at the expense of delegates is detestable.
“We are grateful to all our MUPh aaccredited media partners and mainstream media for tirelessly supporting our queens and the pageant industry. We hope the pageant community can unite in promoting a safe online space for our queens.”
Read: Vice Ganda, netizens resort to humor after Chelsea Manalo's loss
View this post on Instagram
ADAM GENATO APOLOGIZES TO CHELSEA MANALO, MUPH
Kaugnay nito, humingi ng tawad si Genato kay Chelsea, sa Miss Universe Philippines Organization, at sa lahat ng mga taong nasaktan sa kanyang pahayag.
Sa video message na ginawa niya, lumuluha at nagsisising nagpaliwanag si Genato tungkol sa malaking pagkakamaling nagawa niya.
Ikinatuwiran ni Genato na hindi niya matanggap ang mga paratang na "plastic" at "doble kara" siya.
Saad niya: “I simply responded directly to the question. I was asked who do you think should have represented us instead or who do you want to see representing us next year?”
View this post on Instagram
Sa kabila ng kanyang sinabing "There’s no excuse in what I did" at pagsisisi, nananatiling negatibo ang mga reaksiyon ng mga miyembro ng pageant community sa apology video ni Genato.
Bago kasi ito ay napanood nila ang mga content video ng mga interbyu ni Genato kay Chelsea sa Mexico at ang magandang pakikitungo sa kanya ng dalaga at ng team nito.
Pinaniniwalaan na ang kontrobersyal na insidenteng kinasasangkutan ni Genato ang magiging dahilan para hindi na siya maimbitahan sa mga pagtitipon ng MUPh na labis na nasaktan sa naging trato niya kay Chelsea.