Parehong dumalo ang estranged couple na sina Priscilla Meirelles at John Estrada sa school play ng anak nilang si Anechka Estrada noong November 21, 2024.
Nitong nakaraang December 4, nag-post sa Instagram ang Brazillian beauty queen, pero kapansin-pansin na wala sa 10 pictures sa gallery niya na magkasama sila ni John sa iisang frame.
Sa huling larawa, kasama ni John ang kanyang ina na si Lilia (middle), anak na si Yuan (R), at ang sister na si Chin (L), na kasama ang asawang si Buck (2nd from R) at anak na si Zach (3rd from R).
Sabi ni Priscilla sa caption (published as is), "I want to express my heartfelt gratitude to all the family and friends for their unwavering support during Anechka’s Christmas Musical and all of Anechkas’s performances through the years.
"Once again, I am a very proud mom. With tears in my eyes from the first day to the third, I was never alone. (heart emoji)
"The love I felt and the blessing of having such a wonderful support system, surrounded by amazing women, is truly overwhelming.
"Anechka and I are so fortunate to have all of you in our lives. Life is so much better with my “ dear ladies” by my side. Love you all; you know who you are. #latepost"
View this post on Instagram
Read: John Estrada and Priscilla Meirelles's daughter is future beauty queen
Samantala, base sa column ni Dolly Anne Carvajal sa PhilStar.com noong November 29, may post ang kapatid ni John na si Chin kung saan kasama sa family picture si Priscilla.
JOHN AND PRISCILLA last SPOTTED TOGETHER in SEPTEMBER
Huling namataang magkasama sina John at Priscilla sa Singapore para sa F1 Singapore Grand Prix 2024 noong September 20, 2024.
Hindi rin sila nakuhanang magkasama sa iisang larawan.
Kanya-kanya silang post na magkahiwalay.
Kaya naman tanong ng isang netizen, "Just curious, why are u not beside with your husband John Estrada?"
Hindi ito sinagot ni Priscilla.
Ang ibang netizens ang nagkomento na may problema sa pagsasama ng dalawa.
Komento ng isa, "Are you happier now without John? I remember this time last year you guys attended this race together. I hope that you are happier."
Isa namang netizen ang sumagot sa nasabing tanong.
Sabi nito, "magkasama po sila nakita ko isang post nya sa FB kanina lang kasama si john"
Ang tinutukoy nitong post ay mula kay Aubrey Miles, na kasama rin nina John at Priscilla sa Singapore.
Sa isang larawan, makikitang magkasama sila sa loob ng isang sasakyan.
Sumagot si Priscilla sa netizen.
Ayon sa kanya, "work lang Po. Thanks for understanding."
Read: Priscilla Meirelles and John Estrada spotted in Singapore
Nagsimulang nagkaroon ng alingasngas sa marital problem ng dalawa matapos pag-usapan online ang komento ng Brazillian beauty queen sa isang Instagram post ni John noong July 14, 2024.
Kuha ito sa Boracay.
Ipinapakita ni John sa post ang hotel na tinutuluyan. Aniya sa caption, "What an awesome place."
Sa comments section, may netizen na pabirong nagtanong kung sino kina Lena at Marites ang kasama ni Rigor.
[Sina Lena, Marites, at Rigor ay mga karakter nina Mercedes Cabral, Cherry Pie Picache, at Jon, respectively, sa FPJ’s Batang Quiapo.]
Ikinagulat ng marami ang sagot ni Priscilla.
Imbes na makisakay sa biruan ng netizens, ibinuking ni Priscilla hindi si Lena o Marites ang kasama ni John.
Bagkus, isang babae nagngangalang "Lily Hallman" ang wari'y pasarkastikong binanggit ni Priscilla.
May dagdag pang sinabi si Priscilla na lalong ikinaintriga ng netizens.
Aniya, "Looking very divorced Mr. Estrada."
Naka-tag rito ang IG user na may account name na Lily Hallman.
Marami ang napatanong kung sino si "Lily Hallman" na tinukoy ni Priscilla.
Dahil rin sa comment ni Priscilla, nahinuhang dumaraan na naman sa pagsubok ang relasyon ng mag-asawa.
Binura ni John Estrada ang mga comments sa kanyang Instagram post kasama ang comment ng asawa niyang si Priscilla.
Pagkatapos ay tuluyan niyang in-off ang comments section.
Read: Priscilla, ibinuking kung sino ang kasama ni John sa Boracay