Nananatiling positibo si Rufa Mae Quinto sa kabila ng kanyang mabigat na pinagdaraanan — ang ongoing divorce nila ng asawang si Trevor Magallanes.
Maliban pa rito, may kinahaharap ding kaso ang comedienne kaugnay ng isa niyang endorsement.
Read: Trevor Magallanes reveals ongoing divorce process with Rufa Mae
Sa Instagram nitong Martes, December 17, 2024, nag-post si Rufa Mae ng mga litrato niya.
Kalakip nito sa caption ang inspiring lyrics ng kanta ng American singer na si Brandy na “Starting Now.”
Narito ang ilang bahagi ng lyrics na inilagay ni Rufa Mae sa caption ng kanyang post (published as is):
"Starting now
There's no room left for wondering
Got a new vision of yourself
And she's who you wanna be
Starting now
Tell the moon that you're on your way, starting m
Tell the stars you will be right there
Say goodbye to yesterday
Starting now !
I'm starting now, I'm starting now
Save the day, break the curse
I will always have a heart of gold, gold
There's a girl I find
Her story is a tale as old as time."
Dagdag pa niya sa huli, "Go go gold."
Bago ito, mapapansin ang madalas pag-a-update ni Rufa Mae sa kanyang social media accounts.
Maaaring ito ang paraan niya para ipakita sa kanyang mga tagahanga na siya'y nasa maayos na kalagayan sa kabila ng mga pinagdaraanan.
Noong Lunes, December 16, nag-post din si Rufa Mae ng litrato niya.
May kalakip itong kanta na "Moonlit Floor (Kiss Me)" ng BLACKPINK member na si Lisa.
Sa caption, positibong ibinahagi ni Rufa Mae ang excitement niya sa pagsalubong sa Pasko at Bagong Taon.
Mababasa sa kanyang caption, "Ooh lalala lalala.. this holidays! Time for Happy holiday season the most wonderful time of the year, let’s sing ! missing it!
"Go go go!"
NETIZENS' REACTION
Sa comments section ng magkasunod na posts ni Rufa Mae ay bumuhos ang komento ng netizens na nagpaabot ng mensahe sa kanya.
Comment ng isang netizen (published as is), "Good Vibes lang, Ate Pchie! Move on move on lang tayo pag may time. Yakang yaka mo yan. Leave your baggage behind. You dasurv much better in life. Gogogo, todo na to!!"
Saad pa ng isa, "Go go go pa rin no matter what Peachy!!! Your The Best!!!"
Sabi ng isang nag-comment, "The best revenge is to look more beautiful."
Dagdag naman ng isa "You make us happy Rufa Mae every time you’re in spotlight, despite of what you’re going thru, you always mustered rays of sunshine to all of us. We will always support you idol and pray for your genuine happiness."
Rufa Mae Quinto AND husband TREVOR MAGALLANES "in the process of divorce"
Noong December 13, isinapubliko ng estranged husband ni Rufa Mae Quinto na si Trevor Magallanes ang estado ng pagsasama nila ng aktres.
Ayon sa kanya, ongoing na ang divorce process nila ni Rufa Mae.
Nagdesisyon daw si Trevor na magsalita dahil hindi na niya kaya pang itago ito, lalo't mainit na talakayan na rin sa social media tungkol sa relasyon nila ni Rufa Mae.
Nasa punto na raw na ang kanyang marriage kay Rufa Mae ay isa nang "sh*t show" at ang tanging nais lamang niya ay makawala rito at makapiling ang kanilang anak na si Athena Alexandria.
Buong post niya: "Hey guys, I felt like I need to explain myself based on social media and all that. I want to make myself clear that Rufa Mae and I are in the process of a divorce.
"You may be aware divorce can be very devastating to the children and also the parents. That being said my marriage has been a shit show and i am sorry for that.
"All that mattters me at this time is getting through the divorce as best as I can and spending time with Athena."
Read: Rufa Mae Quinto and Trevor Magallanes celebrate Baby Athena's 1st birthday with todo na 'to party
RUMOR ABOUT RUFA MAE QUINTO, TREVOR MAGALLANES MARITAL ISSUE
Sa ulat naman ng Cabinet Files noong December 9, 2024, sinabing lehitimo ang mga lumabas sa social media na screenshots ng palitan ng pribadong pag-uusap sa pagitan nina Rufa Mae at Trevor.
Ito umano ang nagpapatunay na may problema sa walong-taong pagsasama ng mag-asawa.
Marami ang nabahala sa very telling screenshots na kumalat dahil base sa palitan ng mga salita na iniiugnay kina Rufa Mae at Trevor, tila malalim ang hindi nila pagkakaunawaan.
Read: Why long-distance relationship is best for Rufa Mae Quinto and husband Trevor Magallanes
Bukod pa roon, may mga kumakalat ding kopya ng isang police report na nagpapakita na pag-aresto umano kay Trevor dahil sa trespassing sa Honolulu, Hawaii, noong December 6, 2024.
Nakasaad sa Adult Arrest Log ng Honolulu Police Department na isang "Japanese national" na nagngangalang Trevor Magallanes ang inaresto dahil sa "Criminal Trespass 2 offense."
Thirty-eight years old ang Trevor Magallanes na dinakip.
Tumutugma ang edad nito sa edad ng asawa ni Rufa Mae, pero hindi pa natutukoy kung magkapangalan o iisang tao lamang sila.
Hindi rin malinaw kung lehitimong Japanese ang nationality ni Trevor.
Read: Rufa Mae Quinto ties the knot with Trevor Magallanes
MARRIAGE ON THE ROCKS?
Matagal nang usap-usapang may problema sa relasyon nina Rufa Mae at Trevor, pero walang pagtanggi o kumpirmasyon mula sa comedienne.
Nagkataon pang nasabay sa marital issue ni Rufa Mae ang pagkakasangkot niya kamakailan sa investment scam controversy kaya nagkaroon siya ng warrant of arrest.
Read: Rufa Mae Quinto, kumpirmadong may warrant of arrest din
Sa U.S. nanirahan sina Rufa Mae at Trevor bago pa man sila ikinasal noong November 2016.
Si Trevor ay nakabase sa Amerika kung saan nagtatrabaho ito bilang police officer.
Nang isilang ni Rufa Mae ang anak nila ni Trevor noong February 2017, namalagi muna ng ilang taon sa Amerika ang comedienne. Umuuwi lamang siya sa Pilipinas kapag may gagawin siyang proyekto.
Read: Rufa Mae Quinto talks about the year she became a girlfriend, fiancee, wife, and preggy woman
Additional reports by Arniel C. Serato and Jojo Gabinete