Nagpaabot ng pakikiramay ang K-pop star na si Sandara Park a.k.a Dara sa naulilang pamilya ng Taiwanese actress at Meteor Garden star na si Barbie Hsu.
Binawian ng buhay si Barbie dahil sa influenza-induced pneumonia noong February 2, 2025.
Siya ay 48.
Read: Meteor Garden phenomenon, binalikan sa pagpanaw ni Barbie Hsu
Read: Barbie Hsu: Remembering the Meteor Garden's leading lady
Sa X (dating Twitter) nitong Miyerkules, February 5, nagkomento si Sandara sa video na ipinost ng isang netizen.
Dito ay makikita ang 2NE1 member na kinakanta ang "Ni Yao De Ai", ang sikat na theme song ng Meteor Garden, sa isang New Year’s Eve party sa Taiwan noong December 2024.
Sa comments section ng nasabing post, inalala at pinasalamatan ni Sandara si Barbie dahil sa malaking impluwensiya nito sa kanya noong siya'y nagsisimula pa lamang sa showbiz.
Mensahe ni Sandara: "Rest in peace Barbie Hsu.
"I got influenced by you since when I started my career.
"We will always remember you."
Unang sumikat si Sandara sa Pilipinas matapos siyang hiranging runner-up sa artista search ng ABS-CBN na Star Circle Quest taong 2004.
Read: WHERE ARE THEY NOW: Star Circle Quest Season 1 teen finalists
Tinagurian din siya noon bilang “Pambansang Krung-Krung.”
Nilisan niya ang Pilipinas taong 2007 at bumalik ng South Korea para mag-training sa YG Entertainment bilang K-pop star.
Read: FIRST READ ON PEP: Sandara Park quits showbiz, goes back to Korea
Taong 2009 nang mag-debut siya bilang miyembro ng all-female K-pop group na 2NE1, kasama sina CL, Park Bom, at Minzy.
Ilan sa mga pinasikat nilang kanta ay "Fire," "I Am The Best," "Ugly," at "Lonely."
Read: Really, Sandara Park third wealthiest female K-Pop star with PHP1.2 billion net worth?
BARBIE HSU's death
Katulad ni Sandara, minahal at naging tanyag din si Barbie sa Pilipinas nang tangkilikin ng libu-libong Pinoy ang karakter niya bilang Shan Cai sa phenomenal hit drama series na Meteor Garden noong 2001.
Read: Jerry Yan, Ken Chu pay tribute to Meteor Garden co-star Barbie Hsu
Sa kasamaang palad, pumanaw si Barbie dahil sa influenza-induced pneumonia habang nagbabakasyon sa Japan, kasama ang kanyang pamilya noong February 2.
Nagpasya agad ang kanyang pamilya na ipa-cremate ang bangkay niya at iuwi ang kanyang cremated remains sa Taiwan para ito'y mapagluksaan.
Read: Funeral arrangements para kay Barbie Hsu, inaayos ng pamilya
Samantala, sa huling ulat ngayong Huwebes, February 6, nakarating na sa Taiwan ang cremated remains ni Barbie.
Read: Cristine Reyes deletes throwback photo with Barbie Hsu