Pumanaw na ang restaurateur at chef na si Margarita Forés sa edad na 65.
Kinumpirma ng anak ni Margarita na si Amado Forés ang malungkot na balita sa pamamagitan ng Instagram post ngayong Martes, February 11, 2025.
Nakasaad sa kanyang mensahe: "Dear Friends and Family,
"It is with a heavy heart that I share the sudden passing of my Mom, Margarita A. Forés.
"Our family is mourning this unexpected loss, and we kindly ask for your prayers during this time. We will be able to share more in due time.
"With gratitude, Amado"
Read: Chef Margarita reveals what she had to do for kinilaw dish she presented at Madrid Fusion
View this post on Instagram
Hindi tinukoy ni Amado kung ano ang sanhi ng pagkamatay ng kanyang ina at kung anong petsa ito pumanaw.
Ngunit kahapon lamang, February 10, ay nag-post pa si Margarita ng larawan na kuha mula sa kanyang suite sa The Upper House sa Hong Kong.
May mga lumabas na ulat na natagpuang unresponsive ang restaurateur-chef sa loob ng kanyang hotel room matapos nitong hindi sumipot sa nakatakdang lunch meeting.
Wala pang kumpirmasyon tungkol sa ulat na ito.
Samantala, sa comments section ni Amado ay nagpaabot ng pakikiramay ang ilang celebrities, gaya nina Charlene Gonzalez, Gabbi Garcia, Georgina Wilson, Mark Nicdao, Agot Isidro, Rajo Laurel, at Rachel Peters.
WHO WAS MARGARITA FORÉS?
Si Margarita Forés ay itinanghal na Asia's Best Female Chef noong 2016.
Taong 1997 nang buksan niya ang Cibo, isang casual Italian restaurant na kaagad naging hit sa mga customer.
Pagkatapos nito ay binuksan din ni Margarita ang iba pa niyang restaurants na Pepato, Lusso, Grace Park, pati na ang catering business na Cibo de M.
Si Margarita ay apo ng tycoon na si J. Amado Araneta, na nag-develop ng 35-hectare na Araneta Center sa Cubao, Quezon city, at ng prominenteng surgeon na si Dr. Jose Y. Forés, isa sa mga founder ng Makati Medical Center.
Ang mga magulang niya ay sina Raul Forés at Maria Lourdes Araneta.