Usap-usapan ngayon sa social media ang tila pag-amin ng aktres na si Sofia Andres na kasal na sila ng longtime non-showbiz partner niyang si Daniel Miranda.
Agaw-pansin ang pagsagot ni Sofia sa isang netizen na nagkomento sa isa niyang Instagram post.
Noong February 14, 2025, nag-post si Sofia ng kuhang larawan nila ni Daniel.
Read: Sofia Andres Defends Daniel Miranda's Family Support
Kalakip nito ang maikling caption, "Celebrating Love with you..."
Sa comments section ng post ni Sofia ay isang netizen ang nagkomentong deserve ng aktres na pakasalan ni Daniel sa simbahan.
Mababasang komento ng netizen (published as is): "Sana pakasalan kana bcoz you deserve to be married in church…[red heart emoji]."
Nakakaintrigang sagot ni Sofia: "Wait, who said I’m not married? [eyes emoji]"
Netizens reacT to Sofia’s reply
Ang reply na ito ni Sofia ay ikinagulat ng kanyang mga tagahanga.
Intrigang tanong ng isang netizen (published as is): "So are you guys church wed or not…..?"
Saad ng isa: "OMG so true nga na kinasal na kayo?"
Sabi pa ng isa: "Let’s mind our own business nalang po. Desisyon nila yun kung ano man. Kung kasal man na sila, hindi lahat need i-public. Privacy is everything."
"Lowkey and very classy. Rooting for you since day one," dagdag pa ng isa.
Read: Diego Loyzaga admits ex-girlfriend Sofia Andres is his TOTGA
SOFIA ON MARRIAGE
November 2018 nang nagsimulang maugnay si Sofia kay Daniel.
Noong mga panahong iyon ay walang pagkumpirma ang dalawa kung ano ang tunay na estado ng kanilang relasyon.
Hanggang noong November 24, 2019, isinilang ni Sofia ang anak nila ni Daniel na si Zoe sa Sydney, Australia.
Read: Sofia Andres has no regrets about getting pregnant at age 21
Sa isang panayam kay Sofia noong 2021, inamin niya na ang pagpapakasal kay Daniel ang laging inuusisa ng kanyang mga kakilala simula nang ipanganak niya si Zoe.
“Ito yung laging sinasabi ng mga tao na, ‘Why don’t you want to rush things, e, may anak na kayo? What are you talking about?’
“Sabi ko, well, yun na nga, it’s [pregnancy] unplanned.
“But I think this time it’s better for us to plan things para hindi kami nawawala sa path na gusto namin," paliwanag ni Sofia.
Naniniwala si Sofia na ang pagpapakasal ay isang bagay na tanging sila lang ni Daniel ang makapagdedesisyon kung kailan mangyayari.
“Magpapakasal kami kasi gusto namin pareho at mahal namin ang isa’t isa.
“We don’t want to leave each other.
“We don’t want to ruin the relationship.
“We want to last forever,” sabi ni Sofia.
Pag-amin pa ng aktres, kabilang ang kanyang mga magulang sa mga atat nang maikasal siya kay Daniel.
“For my parents, kasi siyempre anak nila, babae ako, gusto nila ikasal ako.
“Kasi iba yung pag magulang ka.
“Sabi ko sa kanila, ‘I think we’re gonna get there.’
“Hindi naman puwedeng ako yung magtatanong, di ba?
“Sabi nila, ‘Sige, anak, kung saan ka masaya, then we’ll be happy.’”
Read: Sofia Andres says she’s in no rush to marry Daniel Miranda: “We’re gonna get there.”
February 2023, muling tinalakay ni Sofia ang hindi raw mamatay-matay na tanong sa kanya kung kailan siya magpapakasal.
Saad niya sa kanyang Instagram post: "'So, Sofia when are you getting married?' Many of you have asked me that.
"Honestly, I have always felt so the pressure to address that but I realized, I shouldn’t.
"It’s our love story to write to say the least. We are in a chapter where we learn to be patient with each other, respect each other’s freedom, and overcome challenges."
Read: Daniel Miranda posts photo of Sofia Andres and their daughter amid breakup rumor
Bagamat hindi pa nagpu-propose noon si Daniel, naniniwala raw si Sofia na may tamang panahong ibibigay sa kanila ang Diyos para humarap sa altar at magpakasal.
Sa ngayon ay masaya at sapat na raw kay Sofia na buo at masaya sila ni Daniel, kasama ang anak nilang si Zoe.
Aniya: "Don’t worry, I know that the time will come. I trust God’s plans for us.
"But I don’t want to disregard the fact that I wake up every morning feeling loved by both Daniel and Zoe. And honestly, that alone makes me feel so grateful.
"Love is different for everyone. It’s true. But for me, a ring on my finger shouldn’t define our love for each other.
"It is about how we choose to respect, understand, and forgive each other. More of it, it’s the effort that we put into our relationship and the love we have for our daughter."
Read: Sofia Andres on why she isn't married to partner Daniel Miranda yet