Nilaro nina AC Bonifacio at Ashley Ortega ang pinag-uusapang eksena matapos nilang ma-evict sa Pinoy Big Brother (PBB) Celebrity Collab Edition.
Sa pagbisita nila sa Kapamilya noontime show na It's Showtime nitong Miyerkules, April 2, 2025, ni-reenact nila ang kanilang eksena sa PBB na naging meme.
Read: PBB Celebrity Collab Edition: Meet the 15 housemates
Sina AC at Ashley ay magka-duo at kauna-unahang evictees sa kasalukuyang edisyon ng PBB.
Noong March 29, 2025, nang mangyari ang first eviction night.
Dito sumibol ang meme ng dalawa nang maging emosyunal si AC nang tawagin ang duo nila ni Ashley na siyang aalis ng Bahay Ni Kuya.
Habang si Ashley naman ay napatulala lang.
Read: Ashley Ortega says PBB Celebrity Collab stint "life-changing"
AC AND ASHLEY POKE FUN AT THEIR VIRAL MEME ON IT'S SHOWTIME
Ilang araw matapos nilang muling masilayan ang outside world, kaliwa't kanan ang TV appearances nina AC at Ashley.
Kabilang na rito ang It's Showtime kung saan naging guest actors sila sa segment ng noontime show na "Sine Mo To."
Dito, game na ginaya ng dalawa ang nag-viral nilang litrato nang ma-evict sila sa Bahay Ni Kuya.
Ganito rin ang ginawa ng It's Showtime hosts na sina Vice Ganda, Ion Perez, Darren, Jackie Gonzaga, Ryan Bang, Lassy Marquez, Ogie Alcasid, MC Muah, Teddy Corpuz, at Jugs Jugueta.
AC SAYS SORRY TO BIG BROTHER
Bukod sa pag-reenact nina AC at Ashley ay napasalang din sila sa aktingan.
Sa kanilang eksena ay magmamakaawa ang dalawa kay Big Brother na huwag muna silang palabasin sa PBB house.
Dito ay humirit si AC nang humingi siya ng patawad sa ugali raw niyang pagiging madaldal.
Aniya, "Kuya, sorry na, sobrang daldal ko po kasi. Sorry na po."
Natawa na lang ang former housemate niyang si Ashley, maging ang mga host ng It's Showtime.
Hindi lingid sa kaalaman ng loyal viewers ng PBB Celebrity Collab na isa si AC sa kontrobersiyal na housemate.
Read: Are Criza Taa's cryptic posts her answer to AC Bonifacio?
Ito'y matapos mapansin ng publiko ang pagiging outspoken ng actress-dancer.
Hindi tuloy maiwasang gawing big deal ng ibang netizens ang kanyang mga pahayag sa loob ng Bahay Ni Kuya, dahilan para siya'y batikusin online.
Read: Darren Espanto defends AC Bonifacio amid online bashing