Halos isa't kalahating taon na ang nakalilipas mula nang ianunsiyo nina Kathryn Bernardo at Daniel Padilla.ang kanilang breakup, pero hindi pa rin maawat-awat ang pag-uugnay sa dating magkasintahan.
Tulad na lamang sa naganap na ABS-CBN Ball 2025 sa Solaire Resort North, Quezon City, noong Biyernes, April 4, 2025.
May ilang fans pa rin ng Kathryn-Daniel o KathNiel loveteam ang umasang sana ay nagkrus ang kanilang landas sa celebrity gathering ng Kapamilya stars.
Read: Kathryn Bernardo confirms breakup with Daniel Padilla
KATHRYN AND KARLA IN ONE FRAME
Nagsusulputan ngayon ang kuhang photos at videos sa star-studded event noong nakaraang linggo.
Kabilang dito ang larawan ni Kathryn kasama ang ina ni Daniel na si Karla Estrada na magkatabi at magkayakap.
Ang nag-post ng larawan ay si Ruffa Gutierrez, na dumalo rin sa event kasama ang kanyang pamilya.
Isa sa Instagram posts ni Ruffa ay carousel ng mga larawang kuha mula sa ABS-CBN Ball 2025.
Karamihan dito ay selfies niya sa mga kaibigan at kapwa artistang present sa pagtitipon.
Pero ang nakapukaw ng atensiyon ng maraming netizens ay ang group photo ni Ruffa kasama sina Kathryn, Karla, at Vina Morales.
Sina Kathryn at Karla ang magkatabi sa picture.
Isa si Karla sa best friends ni Ruffa.
Mayroon ding picture si Ruffa kasama si Kathryn.
Dahil sa larawan nina Kathryn at Karla na magkasama, nabuhayan ng loob ang solid KathNiel fans.
Karamihan sa mga positibong komento, natutuwang makita sa larawan sina Kathryn at ang nanay ni Daniel kahit na hiwalay na ang tanyag na dating onscreen at real-life couple.
Narito ang ilang komento ng fans nina Kathryn at Daniel:
DANIEL PADILLA AND KYLE ECHARRI ALLEGED ISSUE
Isa rin sa pinag-uusapan sa social media ay ang nangyari umanong insidente sa pagitan nina Daniel Padilla at Kyle Echarri.
May mga lumutang na usap-usapang hinarap umano ni Daniel si Kyle nang dahil kay Kathryn.
Read: Daniel at Kyle, nagkainitan sa after-party ng ABS-CBN Ball?
May mga video at larawang makikitang kasama ni Kathryn si Kyle, gayundin ang iba pang celebrities.
Subalit may isang puntong napansin umano ni Daniel na hindi na kumportable si Kathryn sa pagiging “touchy” ni Kyle, na nakainom na rin daw.
Nangyari ang sinasabing kaguluhan sa after-party ng ball sa isang bar sa venue, kung saan bukod kina Daniel at Kyle ay nadamay rin daw ang ilan pang mga artistang kaibigan nila.
Ang mga usaping ito ay mula sa mga nakasaksi sa pangyayari at lumabas nga sa social media.
Gayunpaman, walang kumpirmasyon ukol sa usap-usapang ito na pinag-uusapan lang sa social media.
Mananatiling bukas ang PEP.ph (Philippine Entertainment Portal) sa panig ng mga artistang sangkot.
Matatandaang sa Star Magic Ball 2011 ay naging malaking balita ang nangyari sa pagitan nina Coco Martin at Matteo Guidicelli dahil kay Maja Salvador.