In good spirits si David Licauco sa movie premiere ng Samahan ng mga Makasalanan.
Hindi kasama sa pelikula si Barbie Forteza, na kilala bilang kalahati ng BarDa loveteam nila ni David.
Gayunpaman, dumalo pa rin ang Kapuso actress sa premiere night.
Read: Barbie Forteza, dumalo sa premiere ng pelikula ni David Licauco
Magkatabi sina Barbie at David habang nanonood ng pelikula, at kitang-kita ng audience ang sweetness ng dalawa.
Malaki ang pasasalamat ni David sa presence ni Barbie sa sinehan. Special mention pa nga ito sa kanyang speech bago magsimula ang pelikula.
“Kay Barbie, thank you for being here,” sabi ni David habang nakangiti.
Nakapanayam siya noong premiere night na ginanap noong April 10, 2025, sa Gateway Mall sa Cubao, Quezon City.
Sumagot naman si Barbie ng ilang flying kiss at sumigaw ng “Congrats.”
Pagkatapos ng pelikula ay niyakap pa ni Barbie si David.
Sa April 19 pa mapapanood ang Samahan ng mga Makasalanan sa mga sinehan.
Read: David Licauco respects Barbie Forteza's healing journey
DAVID LICAUCO ROLE AS A PRIEST
Masaya ang Kapuso hunk actor na malapit nang ipalabas ang first comedy movie niya with GMA Pictures.
Sa Samahan ng mga Makasalanan, gaganap si David bilang isang batang pari na tutulungan ang ilang mga kriminal para magbagong-buhay.
Para kay David, napapanahon ang pelikula para sa nalalapit nang Holy Week.
“Super timely niya, dahil yung concept ng pelikulang ito ay it centers around God.
"It’s about change, pagbabago sa buhay, na kung nagkaroon ka ng kasalanan dati, it doesn’t mean na hindi ka puwedeng magbago,” saad ng actor-businessman.
Kasama ni David sa satire film sina Joel Torre, Chariz Solomon, Betong Sumaya, Buboy Villar, Chanty Videla, Jun Sabayton, Euwenn Mikaell, at Sanya Lopez.
Read: Barbie Forteza, may personal review sa pelikula ni David Licauco