Halos anim na taong namahinga sa showbiz si Mark Neumann.
Ano mga naging ganap sa buhay niya sa nakalipas na anim na taon?
“Just different ano, a lot of work. Some insurance, then some business as well... as a food consultant.”
Read: Mark Neumann now works as a financial consultant for insurance company
Bakit siya nagdesisyon na mag-lie low sa pag-aartista?
“I just wanted to raise my son in peace and you know, to try something else as well.”
May anim na taong gulang na anak na si Mark, na ang ina ay babaeng Cebuana na hindi taga-showbiz.
“I'm a single dad, I'm co-parenting,” rebelasyon pa ni Mark.
Ang huling nabalitang karelasyon ni Mark ay ang Cebuana ballerina, archer, and clinical laboratory scientist na si Mafi o Maffy Villamor.
Read: Mark Neumann opens up about non-showbiz girlfriend of two years
Read: Mark Neumann, inaming ka-live in na ang kanyang longtime girlfriend
Mark on what he learned from being a father
Anim na taong pansamantala siyang “nawala” sa showbiz, kapareho ng edad ng anak niya.
Ano naman ang naituro kay Mark ng pagiging ama?
“Fatherhood? Patience. A lot of patience and care. Sacrifice, and of course, most important of all, love.”
Martin daw ang pangalan ng anak niya at naisasama na rin daw niya ito sa ilan niyang tapings.
“I don't know... probably hindi lang nakita siguro, but I brought my son to my tapings.”
Naipakita na rin daw niya ito sa kanyang social media.
“I have videos of him. It's just not that often because, again, I do really appreciate my private life other than work life.
“So yeah, he's seen there. No problem.”
Hindi niya kailanman itinago si Martin?
“Why would I? That's my son," sagot ni Mark.
Sa ngayon daw ay walang karelasyon si Mark. Tanging ang anak at ang pagbabalik sa pag-aartista raw ang focus niya sa kasalukuyan.
Mark in Beyond The Call of Duty
Nakilala si Mark nung sumali sa 2012 artista search show na Artista Academy ng TV5, kung saan napasama siya sa Top 6 finalists.
Read: Artista Academy graduates: Where are they now?
Nung 2017 pagkatapos mag-expire ng kanyang kontrata sa TV5, lumipat siya sa ABS-CBN kunsaan napasama siya sa ilang Kapamilya projects tulad ng La Luna Sangre at I Love You, Hater.
Huli siyang napanood sa Mga Batang Poz series noong 2019 sa iWantTFC.
Bakit siya nagdesisyong bumalik sa showbiz?
“I miss it,” simpleng pakli ni Mark.
Nakausap ng PEP.ph (Philippine Entertainment Portal) si Mark sa mediacon ng upcoming film na Beyond The Call of Duty. Ginanap ang mediacon sa PNP Headquarters sa Camp Crame, Quezon City, nung April 8, 2025.
Ang Beyond The Call Of Duty ay pelikulang tungkol sa buhay ng mga pulis at bumbero dito sa ating bansa.
Bukod kay Mark, kasama rin sa pelikula sina Martin del Rosario, Jeffrey Santos, Teejay Marquez, Mart Escudero, Paulo Gumabao, Maxine Trinidad, Bella Thompson, Lance Lucido, Devon Seron, at Christian Singson.
Ang direktor nito ay si Jose “JR” Olinares na supervising producer din ng pelikula.
Si Direk JR ang naglapit kay Mark ng naturang proyekto.
Kuwento ni Mark, “Actually, me and Direk JR have been friends for a long while now, before I laid low. And we had a few projects before.
"And then he was just, randomly, like, ‘Hey boy, you wanna do a movie?’ I was like, ‘Yeah, sure, why not?’”
Pero kahit bumalik na sa showbiz, tuloy pa rin daw ang negosyo ni Mark sa Cebu.
“Since it's a business, it can't be handled on its own.”
“It’s food and beverage, it's a coffee shop in Cebu," sabi pa ni Mark tungkol sa kanyang negosyo.
Nag-e-enjoy rin daw siya sa buhay niya bilang isang businessman.
“Yeah, it's a different set of challenges and other things to experience as well.”
Balik sa pelikulang ginagawa niya, ano ba ang papel ni Mark sa Beyond The Call of Duty?
“I'll be the younger brother of the head of the syndicate, which is si Kuya Jeffrey Santos. I'm his younger brother.
“I'm part of the syndicate, but we're a professional syndicate. So hindi lang kami yung parang barumbado, so we plan everything.
“We make sure that when we get in there to do the heist, everything is already set up. So mabilisan lang and of course, as much as possible, no violence unless it's needed,” kuwento pa ng 30-year-old na si Mark.
Sina former Ilocos Sur Governor Luis “Chavit” Singson at anak nitong si Stephanie Singson ang mga executive producer ng pelikula (LCS Film Production), si Billy Ray Oyanib ang co-director at si Sam Faj Calaca naman ang tumatayong line producer.
Katuwang nila sa pagbuo ng pelikula ang Philippine National Police (PNP), Philippine Public Safey College (PPSC), Bureau of Fire Protection (BFP), at ang PNP Officers Ladies Club (OLC) Foundation, Inc.
Ang PinoyFlix Films and Entertainment Production ang magre-release ng Beyond The Call of Duty sa May 28.