Nagsalita na si Jackie Forster para depensahan ang anak na si Kobe Paras.
Pinupukol kasi ngayon si Kobe ng mga alegasyong siya ay cheater mula nang mag-break-up sila ng girlfriend na si Kyline Alcantara.
Read: Kobe Paras at Kyline Alcantara, 1st week ng April pa naghiwalay
Sa halos-15 minute video na in-upload ni Jackie sa kanyang YouTube channel, ipinahayag nitong walang cheating na naganap dahil matagal nang single ang kanyang anak.
Ang video ay may pamagat na “When it’s important to live in reality,” at uploaded ito gabi ng Abril 27, 2025, Linggo.
Dito ay idinetalye ni Jackie ang mga pangyayari sa relasyon nina Kobe at Kyline nang nagbasa ito ng statement na nakasulat sa notebook.
Tinawag niyang "toxic" ang relasyon ng dalawa, at naramdaman daw ni Kobe na siya ay trapped na rito.
Bukod rito, inakusahan din ng ina ni Kobe ang Kapuso actress ng physical assault.
Minaliit din daw ng mga magulang ni Kyline si Kobe.
November 1, 2024 nang kumpirmahin ng 27-year-old basketball player na si Kobe na nagdi-date sila ng 22-year-old Kapuso actress na si Kyline.
WHAT CAME BEFORE the mess
Noong April 13, 2025, pumutok ang isyu ng hiwalayan nina Kyline at Kobe matapos kumalat ang ilang screenshot sa social media.
Nakadetalye sa screenshots ang pag-cheat umano ni Kobe kay Kyline na nangyari raw sa opening ng isang bar sa Makati.
Read: Did Kyline Alcantara, Kobe Paras break up?
Napansin din ng ilang fans na nag-delete ng ilang pictures si Kobe sa kanyang Instagram account.
Sa mga sumunod na araw ay may mga pahiwatig sina Kyline at Kobe sa estado ng kanilang relasyon.
Pagdating ng April 22, nag-unfollow na ang isa’t isa sa Instagram.
May mga cryptic post din ang Kapuso actress sa kanyang social media account.
Read: Kyline Alcantara unfollows Kobe Paras on Instagram
Read: Kobe Paras unfollows Kyline Alcantara on Instagram
Noong araw ring iyon ay nasangkot si Jackie sa isyu dahil may cryptic post na rin ito sa kanyang Instagram account tungkol sa "emotional manipulation and accountability.”
Read: Jackie Forster posts cryptic borrowed posts about "manipulation"
Sa kabila ng mga ito, itinanggi ng ama ni Kobe, ang dating basketbolista at ngayo'y komedyanteng si Benjie Paras, ang isyu ng hiwalayan.
Sa isang panayam sa PEP Troika noong April 13, sinabi ni Benjie na “sila pa rin.”
Read: Kobe Para at Kyline Alcantara, di totoong hiwalay na -- Benjie
REASON FOR the mom's VIDEO
Sa simula ng video ay ipinaliwanag ni Jackie kung bakit siya nag-upload ng video.
Saad niya, pinili niyang magsalita dahil, sa kanyang pananahimik, lalo lang daw lumalala ang pambaba-bash sa kanya at sa kanyang pamilya.
“I want to start this off by saying that we wanted to keep quiet. But it's evident that in keeping details quiet, it is instead allowing for more accusations, more bashing, more assumptions, and even more concerning is the stalking,” sabi ni Jackie.
Ayon sa dating aktres, lumala ang isyu dahil pinilit ng team ni Kyline si Benjie na maglabas ng pahayag na hindi totoo ang breakup.
Saad niya: “So much of this mess could have been avoided if people on Kyline's team didn't ask Benjie to tell the public that they were still okay. Why couldn't they admit it? Because of contracts.”
THE TIMELINE of kyline-kobe relationship
Nagbigay ng timeline si Jackie sa relasyon nina Kyline at Kobe.
Ayon kay Jackie, nakakita raw ng red flag si Kobe sa simula pa lamang ng taong ito.
“Now a timeline. When did this begin to unravel?
"With everything that I've gathered from multiple people, I think sometime after the U.S. trip in January. Some things were said and done that were, um, let's say a red flag,” kuwento niya.
Sa mga sumunod na buwan ay nakakita rin daw si Kobe ng red flag sa mga magulang ni Kyline.
“For the next few months, Kobe had a few more encounters with Kyline's parents that really put him off, and like any other relationship, he wanted to try to get past it.”
Inamin ni Jackie na nakikitira ang kanyang anak sa bahay ni Kyline. Kaya’t nang nagdesisyon na si Kobe na makipag-break ay kinailangan pa siyang sunduin ng kapatid niyang si Andre Paras.
Pinuri ni Jackie ang kuya ni Kobe dahil kinausap pa raw nito ang parents ni Kyline sa kabila ng hiwalayan.
“Fast forward to the day Kobe moved out, the things said and done to him were unforgivable, so he finally left.
"Andre came to help Kobe move his things out, then he stayed to talk to Kyline's parents to apologize for how things ended and thank them for everything.
"Because that's who Andre is. He's kind and he is respectful.”
Matapos umanong iwanan ni Kobe si Kyline ay nag-reach out ito sa pamilya ni Jackie.
“The next days that followed, a handful of us took calls from Kyline to console her for hours.
"We are Kobe's family, but out of respect, we still tried to be there for her to help console her, to listen, and to be understanding.”
Marami raw ikinuwento si Kyline na hindi pinaniwalaan ni Jackie at ng pamilya nito, dahil hindi iyon ang pagkakakilala nila kay Kobe.
“We all found the stories she shared about the past month odd because it was unlike Kobe to be so dismissive. Now we know why.
"Kobe gives his all. He's generous, he's kind, he sticks to one.
"But when he's made to feel a certain way, he's done. And I think that goes for most men,” saad ni Jackie.
in defense of son KOBE
Ipinagtataka raw ni Jackie kung bakit hinahayaan ng kampo ni Kyline na matawag na cheater at ma-bash ng publiko ang kanyang anak, habang sa mga pribadong usapan nina Kyline at Kobe ay nagkakaintindihan naman sila.
Ang claim ni Jackie, hanggang noong Easter Sunday ay nagbe-beg pa si Kyline na pakiusapan si Kobe bumalik sa kanyang bahay para ayusin ang kanilang relasyon.
Idinetalye ni Jackie ang ilan sa advice niya sa dalaga para hindi lumala ang sitwasyon. Kasama raw rito ang hindi pagdi-delete ng mga larawan sa social media at hindi pag-a-unfollow sa isa't-isa.
Sinabihan din ni Jackie si Kyline na kakausapin niya si Kobe para malaman kung kaya pang i-save ang kanilang relasyon.
“But then Kyline went on to not only do some of those things, she also thought it would be a smart idea to post a video of her singing some sentimental song, only adding fuel to the flames,” pahayag ni Jackie.
Hindi rin nagustuhan ng nanay ni Kobe ang pakikisali ng mga magulang ni Kyline sa pag-post sa social media.
“We kept quiet. I'm guessing her parents found it the perfect opportunity to also post something for their own gain.
"Posts with innuendos, causing people to not only stalk Kobe while abroad, but now my family and I are getting abused online. Still, we kept quiet.”
Dahil daw sa posts ay lumalala ang pamba-bash kay Kobe, kaya’t di na raw napigilan ni Andre na depensahan ang nakababatang kapatid, lalo't alam daw nitong hindi totoo ang mga kumakalat na post.
“Now you have people reposting, stalking, and having their own assumptions on things, so Andre tried to step in to defend his brother. Because, after all, he knew the truth, he knew that Kobe was single,” pahayag ni Jackie.
“CONDESCENDING AND BASTOS”
Matapos ng ilang beses pang pakikipag-usap ni Jackie kay Kyline, biglang nagbago raw ang dalaga.
Saad ng ina ni Kobe: “She became condescending, bastos, and makes a promise to do what she needs to save her career. Then she posts a cryptic message and again her parents post one, too.
"This is when I told myself I need to believe what I was seeing. I need to stop denying.”
Sa tingin ni Jackie, walang pakialam ang Kapuso actress kung maaapektuhan ang mga taong tumutulong sa kanya.
Dito na nagsabi si Jackie: “It really showed that Kyline will do what Kyline wants to do to get what Kyline wants.”
Dahil dito, nag-post na rin si Jackie sa kanyang social media account.
Agad naman daw siyang nakatanggap ng mensahe mula sa Sparkle, ang talent management company na namamahala sa career ni Kyline.
“Suddenly, I get a message from someone from Sparkle Talent basically trying to make me feel bad for my post and excusing what she and her parents are doing.
"Ceasefire daw. Ceasefire? I didn't know we were at war.”
Himutok ni Jackie, bakit daw pinayagan ng Sparkle ang mga patutsada nina Kyline?
“Why would Kyline's team allow for all the insinuations and suggestive posts from their side at this crucial time," tanong niya, "and knowing that Kobe's not the type to respond, but suddenly I post and then it's a problem?”
MONEY ISSUES
Sinagot din ni Jackie ang mga akusasyong ginamit umano ni Kobe si Kyline.
Depensa niya, may sarilling pera si Kobe dahil matagal na ito sa industriya.
“They said it's also surprising because Kyline thought that we were okay naman daw, and then Kobe is nothing without Kyline.
"I’m sorry, but I believe around the time she [Kyline] was born, my son was already in or on magazine covers. He was also already making his own money, he was doing ads and commercials.”
Sinagot din ni Jackie ang isyung ginagamit daw ni Kobe ang kotse ni Kyline para makipagkita sa ibang babae.
“Kapal daw ng mukha, gamit pa ang sasakyan niya.
"First of all, pinahiram mo yung car, because his car was getting repaired. He didn't use it to cheat because he didn't cheat.
"And to be honest with you, Kobe doesn't mind taking Grab or Uber because that's the kind of person he is. Hindi siya maarte.”
Hindi rin nagustuhan ni Jackie na ginawang isyu ang pagtira ni Kobe sa bahay ni Kyline nang libre.
“Kyline also told Andre na, ‘Ang sarap singilin ng rent.’ So why didn't you just let him leave? Why didn't you ask him to leave?
“You let him borrow your car and stay at your place, while he was waiting on the condo that he wanted to buy, only for you and your family to belittle him.
"He was there because you asked, and he stayed because he wanted to try, trying to make it all work,” saad ni Jackie.
Tinawag ni Jackie na "toxic" ang sitwasyong ito. Ino-offer, ibinibigay, pero binibilangan pala.
“This was the layer of toxicity that Kobe was trying to tell me about. Knowing what I know now, most of which was shared by Kyline, I'm pretty sure Kobe felt trapped.
“Kyline should have completely understood—the day that he decided to leave her that he had had enough.”
PHYSICAL ASSAULT
Sa pagpapatuloy ni Jackie, inakusahan nito si Kyline ng physical assault.
Nangyari raw ang pananakit noong mangyaring hindi iniabot ni Kobe ang kanyang cellphone sa aktres.
Kuwento ni Jackie: “Kyline, he gave you his password to his cellphone. You had it. You always checked his phone. He allowed you to.
“This last time, he was already distant, you were grabbing his phone, and you physically assaulted him, and in a manner that was provoking.”
Malakas ang dating kay Jackie ng sinasabi nitong ginawa ni Kyline kay Kobe.
“Why? Why would you do that? Why would you put Kobe in that position?
"Why do you need to be violent?
"I don't think I've ever spanked him as a mother, so to me, it's just very distressing.”
Pinatamaan din ni Jackie ang ama ni Kyline na si Butch Alcantara, na nagsabi umanong trinato nito si Kobe na parang sariling anak.
“How am I supposed to feel about those words? You treated Kobe like your son?
"If, according to a handful of people, you aren't exactly a good husband to your wife behind closed doors?
"When I heard that most recently, I started to understand the pattern now. What she did to Kobe, it's learned behavior," patuloy na pag-akusa ni Jackie.
APPEAL TO KYLINE
Sa huli, umapela si Jackie kay Kyline na tigilan na ang pamba-bash kay Kobe at sa kanyang pamilya.
Kung hindi raw ay maglalabas si Jackie ng iba pang mga pruweba.
“I will leave the many incriminating stories of why Kobe found it incredibly difficult to trust you between the both of you.
"Unless you make it necessary for me to do it in the future. And I'm praying that doesn't happen.
"So, yes, we too, Kyline, we keep proof,” saad ng ina ni Kobe.
May mensahe rin si Jackie para sa publikong naninira sa anak.
“So, you can all judge and hate my son for moving on so seemingly fast, but I think that's better than loving someone for pretending to be somebody that they're not,” pahayag ni Jackie.
ED'S NOTE: Nagpadala ang PEP.ph (Philippine Entertainment Portal) ng mensahe sa Sparkle GMA Artist Center ngayong Lunes, April 28, 10 ng umaga, para ipaabot ang bersyon ni Jackie ng hiwalayan nina Kobe at Kyline.
Kasama sa aming katanungan ang mga isyung inilabas ni Jackie laban kay Kyline. Kasama rin ang paglabas ni Jackie ng naunang hiling umano ng Sparkle sa ama ni Kobe, si Benjie Paras, na wag aminin ang hiwalayan ng dalawa.
Ipinarating din ng PEP ang kuwento ni Jackie na siya naman ay hinilingan ng Sparkle ng "ceasefire," habang nauuna ang kampo ni Kyline sa paglabas ng "innuendos" na nagpapamukhang masamang tao si Kobe.
Ayon sa Sparkle, wala silang opisyal na pahayag sa ngayon. Agad ilalabas ng PEP ang statement ng talent management group sa oras na matanggap namin ito.
Panoorin ang video ni Jackie sa ibaba: