Tatlong terminong nanilbihan si Jomari Yllana bilang konsehal ng first district ng Parañaque City, mula 2016 hanggang 2025.
Magtatapos na ang kanyang termino sa darating na June 2025, at pagkatapos nito ay magpapahinga muna sa pulitika ang actor-politician.
Ano ang mga natutunan ni Jomari sa loob ng siyam na taon sa public service?
Saad niya: "Power, influence, and position is temporary... is temporary.
"So, after all, bibitawan mo na yung influence, yung position.
"Ang tanong sa sarili ko, 'Did you grow?'
"And I can honestly say that, proud to say that, ang laki ng growth ko as a person, as a public servant, as a family member, as a kabarangay, as a neighbor, yung ganyan.
"I learned a lot from it.
"And made me closer to my community in ways I never knew possible."
jomari yllana's projects for paraÑaque city
Anong project na nagawa niya bilang konsehal ang pinaka-proud si Jomari?
Sagot niya: "Ang dami. At pag sinabing... siguro pag sinabing mark ko, number one, road-safety advocate ako.
"Tapos, number two, education is top of my list.
"So, ang dami-dami namin nabigay ng benefits.
"So, with senior citizens, sobrang dami rin.
"Ako siguro, I'll go [for] environment.
"Passing the ordinance na naghihiwalay yung biodegradable to non-biodegradable. So, I think it's about time.
"I'm in the middle of yung committee hearings ko through an ordinance. I still have one more.
"And when I pass this law in the city of Parañaque, I think it will change the landscape, pag yung linis natin sa ating kapaligiran."
Para sa iba ay simple lang ang paghihiwalay sa mga nabubulok at hindi nabubulok na basura. Pero ayon kay Jomari, hindi ito ganun kasimple.
Paliwanag niya: "Kasi ang pinakamahirap sa kanila is paano susunod yung tao.
"Because we have an existing ordinance na naghihiwalay, pero sinusunod ba?
"So, meron tayong ilalagay diyan para sumunod ang tao.
"So, ano yan, I'll be very proud before my term ends, after elections, if I'm able to pass it."
jomari yllana on politics: "it's temporary."
Ngayong magtatapos na ang kanyang termino, bakit hindi siya tumakbo sa mas mataas na posisyon? Puwede naman siyang tumakbong vice-mayor o mas mataas pang posisyon?
Paliwanag niya: "It's temporary. All good things must come to an end.
"So, walang magtatagal forever. If position is elected, it has a beginning, it has an end.
"So, yung sa akin, I'm very fortunate to be one of the elected councilors in the city of Parañaque.
"Ako, from the beginning, alam ko that it has an end.
"So, sa akin, public service doesn't end there.
"And service sa tao will always remain."
Nakausap ng PEP.ph (Philippine Entertainment Portal) si Jomari sa presscon ng Motorsport Carnivale 2025 sa Okada Manila, Parañaque City, nitong nakaraang Martes, April 29, 2025.
Ang racing event na ito ay sanib-puwersang ihahatid ng Okada Manila at Yllana Racing ni Jomari.
Magsisimula ito sa Linggo, May 4, 2025.
Read: Jomari Yllana, nag-react sa video scandal ni Mark Anthony
JOMARI YLLANA: "Ayaw kong guluhin yung landscape ng pUlitika."
Muling inusisa ng PEP si Jomari kung bakit pinili niyang huwag nang mag-ambisyon sa mas mataas na posisyon.
Aniya: "Mga kaibigan ko silang lahat.
"So, ibig sabihin nga, maghahanap ako ng kaaway forever.
"So, sarap ng buhay ko. Na sarap lumabas, walang kalaban.
"I mean, vice-mayor, congressman, mayor, these are all my friends. And these are family friends.
"I mean, for ambition, okay, fine. For ambition, I'll run, let's say, win or lose."
Pero may nasira na raw siyang relasyon dahil sa pulitika.
Saad niya: "Burning bridges with family.
"And then, I have a brother also, seated councilor in the other district.
"I have family and friends. My kuya's always been a politician.
"And then, Kuya Paul is running also.
"Ayaw kong guluhin yung landscape ng pulitika.
"You know, pulitika, it separates people within the household."
Ang mga kapatid na tinutukoy ni Jomari ay sina Anjo, Paulie, at Ryan.
Matatandaang nagkaroon ng gusot sa pagitan nina Jomari at Anjo dahil sa pulitika noong 2022 elections.
Read: Anjo Yllana admits he's not on speaking terms with brother Jomari Yllana
Ang asawa ni Jomari na si Abby Viduya ang tumatakbo ngayong 2025 bilang konsehal ng Parañaque.
Siya ba ang nagkumbinsi kay Abby na tumakbo?
Sagot ni Jomari: "No, no, no. She was the one who convinced me.
"She was the one who convinced me. It took a while.
"Pero, na-justify naman na yung issue."