Labis na nagdadalamhati si Jovie Albao, 28, sa pagkamatay ng kanyang asawa, ang legendary OPM singer na si Freddie Aguilar.
Pumanaw si Freddie dahi sa multiple organ failure ng Martes, May 27, 2025.
Siya ay 72.
Read: OPM icon Freddie Aguilar dead at 72
Makaraan lamang ang ilang oras ay inilibing na rin agad si Freddie alinsunod sa ritwal ng Islam, ang relihiyon ng singer na tumanyag sa katangi-tanging kantang "Anak."
Read: Freddie Aguilar, inilibing na alinsunod sa Islamic rites
JOVIE HEARTBROKEN OVER FREDDIE'S DEATH
Bago ilibing si Freddie sa Manila Islamic Cemetery ay nag-post si Jovie sa Facebook para ihayag ang pagmamahal sa namayapang asawa.
Kalakip nito ang sweet photo nila ng OPM singer.
Read: OPM singers pay tribute to Freddie Aguilar
Naniniwala si Jovie na hindi ang kamatayan ni Freddie ang katapusan ng walang hanggan nilang pag-iibigan.
Mababasa sa caption ng kanyang post (published as is): "I will live a good life so I can meet you in Jannah.
"Inna Lillahi wa inna ilayhi raji'un, to Allah we belong and to Allah we shall return.
"This is not goodbye, just farewell for now.
"Mahal na mahal kita, hanggang sa muli bhabe.
"It was a good fight, because we are fighting together."
FREDDIE-JOVIE CONTROVERSIAL WEDDING
Noong November 22, 2013, ikinasal sina Freddie at Jovie sa pamamagitan ng isang Muslim wedding ceremony sa Buluan, Maguindanao.
Para patunayan ang kanyang tapat na pagmamahal kay Jovie, nagpa-convert sa Islam si Freddie.
Ang Islam name na ginamit ng singer ay Abdul Fareed.
Read: Freddie Aguilar professes his love for teenage wife: "I would love to have her 'til my last breath."
Ngunit imbes na puro kasiyahan, nabalot ng kontrobersiya ang pag-iisang dibdib ng dalawa.
Ito'y dahil sa napakalayong agwat ng kanilang mga edad. Noong panahong ikinasal sila ay 16-anyos lamang si Jovie, habang si Freddie ay 60-anyos.
Bagay na wala namang kaso sa relihiyon ni Jovie.
Sa Islam kasi ay walang tiyak na limitasyon sa itinakdang edad sa Qur'an—Bibliya sa mga Katoliko—o sa mga Hadith pagdating sa pag-aasawa.
Ibig sabihin, hindi tinitingnan ang magkalayong agwat ng edad ng magkasintahan para magpakasal.
Basta't may pahintulot, pagmamahalan, at kapwa napagkasunduan ng parehong partido ay maaari silang ikasal.