Nag-uumapaw ang pasasalamat ni Joaquin Arce sa suporta ng stepmom niyang si Angel Locsin sa bago niyang milestone, ang tuluyang pagpasok sa mundo ng showbiz.
Si Joaquin ay anak ng mister ni Angel na si Neil Arce.
Nitong Biyernes, July 25, 2025, tuluyan nang pumirma ng exclusive contract si Joaquin sa Star Magic, ang talent management arm ng ABS-CBN.
ANGEL BREAKS SOCIAL MEDIA HIATUS TO CONGRATULATE JOAQUIN
Bago ang nasabing contract signing ay nabulabog ang online world nang muling magparamdam si Angel sa gitna ng kanyang showbiz hiatus.
Sa pamamagitan ng isang Instagram Story ay ipinaramdam at ipinakita ng aktres ang kanyang suporta sa bagong tatahaking mundo ng kanyang stepson.
Nag-share si Angel ng Instagram Reel ni Joaquin na in-upload ng Star Magic sa social media accounts nito.
Makikita sa video na nagpapakilala si Joaquin sa sarili bilang bagong dagdag na artista ng nasabing talent management agency.
Kitang-kita na todo-suporta si Angel na naghayag sa caption: "Me, your mom & your dad are proud of you. Can't wait to work with you."
Agad na nag-trend ang pangalang "Angel Locsin" sa X (dating Twitter) dahil marami sa kanyang masugid na tagasuporta ang masaya na muli siyang nagparamdam makalipas ang halos tatlong taon.
Read: Angel Locsin shows support for stepson Joaquin Arce
Kung bibisitahin kasi ang official IG page ni Angel ay noong August 1, 2022, pa ang huli niyang post.
Joaquin admits he’s a fan of Angel
Sa contract signing ni Joaquin, hindi nakaligtaang tanungin ang showbiz newcomer tungkol sa muling pagbabalik ni Angel sa social media para lamang suportahan siya.
Pagtatapat ni Joaquin, maging siya raw ay nagulat sa ginawa ng kanyang stepmom.
Read: Angel Locsin breaks social media hiatus after almost 2 years
Saad niya: "My God, nagulat talaga ako [nung nalaman kong nagba-viral na].
"Actually, hindi sinabi sa akin na ilalabas na yung launch post ko. I was just scrolling on my Instagram sa kotse and then biglang nakita ko, nag-pop up, story ni Tita Angel.
"Ang nasabi ko na lang is, 'What?' Ako rin nabigla, na-surprise like she broke her silence for so long, especially on Instagram just to repost my launch post.
"I'm so grateful to her. Even if, kahit stepmom ko siya, fan din ako."
Nang mabasa raw ni Joaquin ang mensahe sa kanya ni Angel sa kanyang IG Story ay agad daw niya itong tinext para magpasalamat.
"I did [message her]. I said thank you, and she said, 'Anytime,'" sabi ni Joaquin.
Nang hingan ng mensahe si Joaquin para kay Angel, matipid ngunit makahulugan ang kanyang nasabi.
Mensahe kasi niya kay Angel, "I hope I'm living up to your standards."
@pepalerts Angel Locsin's stepson Joaquin Arce and Karla Estrada's daughter Carmella Ford join showbiz. #joaquinarce #carmellaford #fyp #pepnews #entertainmentnewsph #newsph #fyp #pepvideo Video: Noel Orsal Edit: Rommel Llanes
? original sound - PEP.ph
Joaquin open to working with Angel someday
Natanong din si Joaquin kung handa na ba siyang makatrabaho at makaeksena si Angel kung saka-sakaling bigyan sila ng proyekto.
Aniya, sa ngayon ay nais muna niyang matuto, mahasa, at maging magaling para man lang makasabay siya sa galing ng kanyang stepmom.
Lahad niya, "Well, right now, I can't say for sure if we’ll end up working on a project together.
"But maybe, if I act well enough, I’ll earn the right to be on her level. Baka magkaroon ako ng karapatang makatrabaho si Tita Angel."
Nang tanungin kung anong genre ang naiisip ni Joaquin na pagsasamahan nila ni Angel, ang naging sagot niya ay action.
Sabi niya, "Based on her career and the projects she’s done, it would probably be action. But again, I'm open to anything."
Read: Dimples Romana, suportado ang showbiz hiatus ni Angel Locsin