Ikinatuwa ng mga tagahanga ni Angel Locsin ang kanyang pagbabalik sa social media, makaraan ang ilang taong hindi niya pagpaparamdam.
Nitong Miyerkules, January 15, 2025, nag-post sa X (dating Twitter) ang aktres para ipaalam sa kanyang followers na nabawi na nito ang na-hack niyang X account.
Noong Lunes, January 13, may mapansing kakaiba ang fans ni Angel sa verified X account nito.
Ito'y matapos nilang makita na panay comment ng aktres sa tweets ng multi-billionaire na si Elon Musk.
Read: Elon Musk accused of harassing Taylor Swift
Ang kinu-comment ng account ni Angel ay tungkol sa mga crypto giveaways, bagay na hindi raw kapani-paniwala na magagawa ng aktres.
Noong January 14, kinumpirma ng asawa ni Angel na si Neil Arce ang pagka-hack sa X account ng kanyang misis.
Ngunit ginagawan na raw nila ng paraan para ito ay mabawi.
Read: Dimples Romana answers this question: "Where is Angel Locsin?"
ANGEL'S X ACCOUNT finally recovered
January 15, ginulat ni Angel ang kanyang mga tagahanga nang magbalik siya sa social media sa pamamagitan ng pagtu-tweet para sabihing na-retrive na ang na-hack niyang account.
Mababasa sa tweet ni Angel (published as is), "Hello everyone long time no chat. I just wanna say I have recovered my X account (totoo na to, pramis ).
"Thank you sa mga tumulong and @X for helping. I miss you all and ingat lagi."
Sa kabila nito, marami pa ring netizens ang nagdalawang-isip kung si Angel nga ba mismo ang nasa likod ng kanyang tweet.
Kaya naman si Neil na ang mismong nagkumpirma nito nang mag-post siya sa kanyang Instagram Stories.
Aniya, "Account of Angel has been retrived."
Bago ito ay nag-tweet ang hacker ng account ni Angel para paniwalain ang publiko na na-retrive na ang X account ng aktres.
Tweet ng hacker sa mismong account ni Angel (published as is), "got my acc back! thank you for massive sharing love."
Mabilis naman itong pinabulaanan ni Neil.
Sa kanyang Instagram Stories, sinabi niyang hindi si Angel ang nag-tweet nito.
Ani Neil, "Account not yet recovered. We will be the one to inform everyone if we got it back already."
ANGEL'S SHOWBIZ and social media HIATUS
Ang pagtu-tweet ni Angel ay ang kanyang pagbabalik sa social media makalipas ang halos dalawang taong hindi pagpaparamdam at pagpu-post.
Read: Dimples Romana: Angel Locsin Happy, Away from Limelight
Kung bibisitahin ang X account ni Angel, makikitang August 2022 pa ang huli niyang post bago mabawi ang kanyang na-hack na account.
Sa panayam ng PEP Troika sa malapit na kaibigan ni Angel na si Dimples Romana noong September 19, 2024, kinumpirma nitong bukod sa showbiz hiatus ay naka-social media break din daw si Angel.
Saad ni Dimples “Hindi siya nagso-social media. I think it is a wonderful choice, because ngayon din, di ba, a lot of the news are also…
"Ako nga, sometimes when I watch the news, I feel anxious. I feel worried for the future.
“So, it’s nice that she’s taking this time off for herself. Beautiful choice."
Read: Dimples Romana, suportado ang showbiz hiatus ni Angel Locsin