Na-excite ang fans ni Angel Locsin nang magparamdam siya sa Instagram kamakailan dahil akala nila ay ito na ang hudyat ng pagbabalik sa showbiz ng aktres.
Matagal-tagal na rin kasing nagpapahinga si Angel mula sa pelikula at telebisyon matapos itong magpakasal sa asawang si Neil Arce.
Pero noong July 24, 2025, biglang nag-post si Angel sa kanyang Instagram Story ng reel ng stepson niyang si Joaquin Arce.
Si Joaquin ay anak ng mister ni Angel na si Neil Arce.
Ipinakilala si Joaquin bilang isa sa bagong contract stars ng Star Magic, ang talent management arm ng ABS-CBN Studios.
Read: Angel Locsin shows support for stepson Joaquin Arce
NEIL ARCE ON ANGEL LOCSIN'S SHOWIZ COMEBACK
Sa panayam ng TV Patrol kay Neil na umere Miyerkules ng gabi, August 13, 2025, sinabi nitong hindi siya kailanman nagtanong sa asawa kung kailan ito magbabalik sa showbiz.
Saad ni Neil: "I haven't asked her. No, I never asked her when she wants to come back kasi...
"I know she's a very strong, independent woman and I married an alpha, a queen, di ba?
"So... and I respect that.
"And kung ano ang gustuhin niyang gawin, as long as nasa tama, di ba, hundred-percent support."
Abala raw ngayon si Angel sa online class nito.
Noong Marso 5, 2025 ay pumanaw ang ama ni Angel na si Angel Colmenares kaya hinahayaan daw muna ni Neil ang misis.
Saad ni Neil: "I think everyone knows she's into gaming and she's taking online classes and she's enjoying herself.
"And we all know, I think, I think everyone knows her dad just passed away.
"She's taking her time. I'm giving her, you know, own space para to adjust."
Read: Sabrina M. cries foul over Vice Ganda's joke about her dark past
ANGEL LOCSIN'S ONLINE CLASS
Hindi naman maidetalye ni Neil kung anong klaseng online class ang ina-attend-an ni Angel dahil wala raw siyang alam sa gaming.
Sabi niya: "Sorry, pero hindi ko rin maintindihan, kasi about gaming. Kasi hindi ako nagge-gaming.
"Oo, so di ko talaga siya ma... kasi hindi ako gamer.
"Of course, basta happy siya. I always ask her, 'Are you okay? Are you happy?'
"And alam ko naman yung totoo at hindi. She doesn't lie to me."
Naiintindihan din daw ni Neil ang pananabik ng fans ng asawa sa muling pagbabalik-showbiz nito.
Aniya, "I'm a husband. I'm her friend, husband, lover, everything, and I'm also a fan.
"So deep inside, of course, also alam niyo, I miss her on the screen.
"But siyempre, una yung pagka-husband, e, kung saan ka masaya."
Read: Bela Padilla surprises “Taurean Twin” Kim Chiu in Cebu