Nagsalita na ang pambato ng Caloocan City na si Arianne Villareal kaugnay ng kontrobersiyal na paggamit niya ng mga buhay na paru-paro bilang props sa preliminary competition ng Miss Grand Philippines 2025.
Kaliwa't kanang batikos ang natanggap ni Villareal mula sa concerned netizens at environmentalists na hindi nagustuhan ang naging pakulo niya sa beauty pageant.
Naganap ang charity gala at prelims ng Miss Grand Philippines 2025 sa Okada Manila noong Agosto 17, 2025.
Sa mga video na kumalat online, makikita ang pagrampa ni Villareal suot ang kanyang gem-studded emerald gown.
Kapansin-pansing may mga nakaipit sa kanyang mga daliri.
Habang nagpo-project sa entablado, bigla-bigla niyang pinakawalan ang mga nakapiit sa mga daliri niya — mga buhay na paru-paro.
Nagawa pang tutukan ng camera ang paglipad at pagbagsak na paru-paro sa stage. Ang ilan sa mga paru-paro ay sinasabing namatay.
Mabilis itong pinag-usapan sa social media.
Karamihan sa netizens ay hindi pabor sa pakulo ng kandidata na ginamit na props ang mga buhay na paru-paro.
Anila, maiksi na nga lang ang lifespan ng mga paru-paro, mas napaiksi pa dulot ng ginawa ni Miss Grand Caloocan, dahil ilan sa mga ito ay namatay.
Read: Netizens react to Miss Grand Caloocan using butterflies as props
Arianne Villareal ISSUES STATEMENT
Sa Facebook nitong Martes, August 19, nag-post ni Villareal para ipagtanggol ang sarili laban sa mga punang kanyang natatanggap.
Paliwanag ng Caloocan beauty queen, wala siyang ibang hangarin kundi ipakita ang maganda at positibong simbolismo ng mga paru-paro nang gawin niya ang kanyang pakulo.
Mababasa sa kanyang post (published as is): "About the Butterfly Moment. Butterflies have always been a symbol of beauty, growth, and new beginnings.
"Growing up in the Philippines, I would often see butterflies released during weddings and special occasions, a gesture of hope, freedom, and transformation.
"When I stepped on stage, my intention was to bring that same symbolism of metamorphosis and positivity.
"It came from a place of creativity and meaning, never with the intention to cause harm."
Naiintindihan daw ni Villareal kung may ilang netizens ang hindi pumapabor sa kanyang paniniwala.
Bukal daw sa dibdib niya itong tinatanggap.
Kalakip nito ang paghingi niya ng paumanhin sa lahat ng mga nadismaya sa kanyang ginawa.
Saad ni Villareal: "If the moment may have been seen differently by some, I sincerely understand and respect those feelings.
"Pageantry is about learning, evolving, and celebrating individuality.
"This experience reminded me that expression can come in many meaningful ways.
"At the end of the day, butterflies remind us that no matter how others see us, we can always grow, transform, and spread our wings with grace."
Read: Belle Mariano embraces growth beyond DonBelle loveteam
Dagdag pa niya: "All of us, your Grand Sisters, are giving our very best to put up a good fight and to make our cities, provinces, and communities proud.
"We are more than ready, full of excitement, and looking forward to seeing you all at the Finals.
"This is Arianne Villareal, Miss Grand Philippines Caloocan City, sharing nothing but happiness, positivity, and love to everyone."
Samantala, habang isinusulat ang artikulong ito ay wala pang inilalabas na pahayag ang Miss Grand Philippines patungkol dito.
Read: FPJ right hand recalls how Da King turned down a blank check