Magkahalong seryoso at kuwela ang mga sagot si Korina Sanchez sa comments ng ilang netizens kaugnay ng kontrobersiyal na post ni Pasig City Mayor Vico Sotto.
Pinag-usapan ang Facebook post ng alkalde noong Agosto 21, 2025, ukol sa "kilalang journalists" na nagpabayad umano ng "10 million" kapalit ng pag-feature sa mag-asawang contractors na sina Sarah at Curlee Discaya.
Hindi direktang pinangalanan ni Mayor Vico kung sino ang pinasasaringan niya, subalit kalakip ng kanyang post ang screenshots ng magkahiwalay na panayam nina Korina at Julius Babao sa Discaya couple.
Si Sarah ang naging katunggali ni Mayor Vico sa mayoralty race sa Pasig noong nakaraang national elections.
Ang mag-asawang Discaya ang may-ari ng dalawa sa 15 construction companies na sangkot umano sa maanomalyang flood control projects sa bansa.
Kasunod ng patutsada ni Mayor Vico, naglabas ng reaksiyon ang kampo ni Korina—partikular ang executive producers ng kanyang dalawang shows—para itangging binayaran umano sila para ma-feature ang mag-asawang Discaya sa programa ng beteranang broadcaster.
May pahayag din si Julius at itinanggi ang paratang sa kanya ni Mayor Vico.
Related Stories:
- Mayor Vico Sotto calls out broadcasters over Discaya interviews
- Korina Sanchez camp slams Mayor Vico Sotto's "slanderous" FB post
- Julius Babao, itinangging tumanggap ng P10M sa Discaya interview
KORINA SANCHEZ ANSWERS NETIZENS
Sa recent Instagram post ni Korina, sinagot niya ang ilang komento ng netizens kaugnay sa post ni Mayor Vico.
Kabilang sa recent post ni Korina ay ang paglipad ng kanyang production team sa Hong Kong para sa taping ng Face to Face, tampok ang overseas Filipino workers doon.
Ipinost ni Korina ang larawan niyang naka-green matching outfit at mga bagahe.
Sa comments section, may mga nagkomentong netizens tungkol sa kinahaharap niyang isyu sa kasalukuyan.
“Wow! Pang PHP10M ang OOTD. Cheers!” hirit ng isang netizen.
Banat naman ni Korina: “Excuse me. P20M ang halaga ng suot ko.”
May isang netizen ang pumuna sa dalawang official statements na inilabas ng kampo ni Korina bilang sagot sa alegasyon ni Mayor Vico.
Pahaging ng netizen, negatibo ang impact ng dalawang statements para kay Korina. Ipinahiwatig ng netizen na tila natigatig daw ang kampo ni Korina kaya kinailangang baguhin ang naunang statement.
Komento ng netizen: “Two statements, one even deleted. Oof! Uncoordinated, in haste, or simply hard to spin? Whatever the case, won’t make your camp look any better.”
Buwelta ni Korina: “Both are factual. Any comment?”
Inilabas ng PEP.ph (Philippine Entertainment Portal) ang ulat tungkol sa statement ng executive producers ni Korina bandang 11:47 P.M. noong August 21, 2025.
Bandang 1:57 A.M. kinabukasan, Agosto 22, nakatanggap ang PEP ng updated statement mula sa executive producers ni Korina.
Ipinost din ang statement na ito sa official Facebook page ng Rated Korina.
Halos pareho ang nilalaman ng first at updated official statements ng kampo ni Korina.
Pero sa updated statement, kapansin-pansin ang isang clause na tinanggal doon.
Ito ang nasa unang statement: “When this interview was conducted it was well before campaign period, aired in November 2024 and January 2025. Yes, Mayor Sotto, there are payments for certain businesses such as that of the Discayas, products, personalities, companies or politicians much like payments made for advertisements —— and these go to the network with an official receipt issued to client.”
Ito naman ang nasa updated statement: "This interview was conducted and aired well before campaign period. All interviews of those who ran for office were also taken down from our official sites.
"Finally all content aired is transparent and meets the strict standards of the airing stations and is with the approval of station management.”
Read: Korina Sanchez camp slams Mayor Vico Sotto's "slanderous" FB post
May isa pang netizen na inabisuhan si Korina na i-check ang FB page ng Rated Korina at sinabihan ang seasoned broadcaster na “stop being so defensive.”
Unang sagot ni Korina: “What are you talking about? I haven’t even opened the FB page of Rated Korina for forever. Can you get your facts straight before you invade my space po?”
Sinundan ito ni Korina ng ganitong comment: “Wala ka magagawa sa free speech. Lalo pag may basis ang depensa sa walang [basehan] na akusasyon, RIGHT?”
May isa namang nagkomento at sinabihan si Korina na huwag palampasin ang alegasyon laban sa kanya.
Sa mga nakalipas daw na taon ay may mga naging paratang kay Korina, “and you always brushed them off.”
Kahit daw nanindigan si Korina noon, namantsahan daw ng mga paratang na ito ang kanyang “credibility.”
Mensahe ng netizen kay Korina: “If these new allegations aren’t true, then file a case and let the Mayor present his evidence. Your kids don’t deserve to grow up with people thinking their mom accepts ‘bribes.’”
Ito ang sagot ni Korina: “My producers have issued what I think to be an irrefutable response.
"But trolls will be trolls. And the guilty will be defensive. And I’m not guilty of anything wrong.”
Tanong naman ng isa pang netizen: “Bakit po burado na yung interview niyo kay Discaya sa YT?”
Sagot ni Korina: “It is policy that ALL interviews of candidates be deleted. Does that [answer] your question?”
Sa artikulo ng Cabinet Files sa PEP ngayong Sabado, August 23, 2025, binanggit ditong napanood pa ng Cabinet Files ang interview ni Korina kay Sarah Discaya noong August 22.
Subalit wala na ito pagsapit ng gabi.
Hindi naman kataka-takang kuwestiyunin ng netizens ang timing ng pagtanggal ng video ng interview ni Korina kay Sarah Discaya dahil mainit itong pinag-uusapan ngayon at sangkot dito ang kilalang broadcaster.
Read: Interview ni Korina Sanchez kay Sarah Discaya, burado na sa YT