Bukas si Billy Crawford na muling bumalik sa pagho-host ng noontime show, pero may ilang kondisyon daw siya sakaling dumating ang oportunidad.
Isa sa Billy sa original hosts ng Kapamilya noontime show na It’s Showtime.
Nagtagal dito si Billy ng pitong taon bago siya nagdesisyong lisanin ang programa noong 2018.
Ang kanyang family life ang naging pangunahing rason ng pag-alis ni Billy sa show.
Read: Billy Crawford unsure about return to It's Showtime; wants to focus on starting a family
Bumalik si Billy sa hosting sa pamamagitan ng TV5 noontime show na Laugh Out Loud/Tropang LOL noong 2020-2023.
Inusisa ng PEP.ph (Philippine Entertainment Portal) si Billy kung nami-miss ba niya ang pagiging host ng It’s Showtime.
“Yeah, of course," mabilis niyang sagot.
"It was a routine, e, di ba… for ilang taon—six, seven years—na kasama nila ako sa noontime show... of course, I miss it from time to time.
“But I still keep in touch with all of them. So, lagi kaming nag-uusap-usap.”
Na-interview ng PEP si Billy sa The Voice Kids media interview noong Miyerkules, September 3, 2025.
Bukas ba siya sa pagho-host uli ng noontime show?
Bakas sa sagot ni Billy na may mga kunsiderasyon siya sakaling magkaroon ng pagkakataong mag-host uli ng noontime show.
Pagdedetalye niya: “Siguro it really depends.
"Kasi now, siyempre yung balance ng oras… sa tingin niyo naman, makikita niyo… even if Anne [Curtis], being the mom that she is, di ba, it’s kinda hard to balance.
"Nandun siya, absent ba siya, andun siya, absent siya…”
Ang tinutukoy ni Billy ay ang pagiging irregular ng hosting ni Anne sa It’s Showtime.
Hinahati kasi ni Anne ang kanyang oras sa pagiging family woman, hosting, at iba pang showbiz commitments.
Pagpapatuloy ni Billy: “Kasi when you are in a noontime show, you have to be fully committed din, e.
“Yun ang natutunan din namin dati sa Showtime nung nagsimula kami. You really have to give it your all.
"So, your time, your effort, talagang bumabalanse siya around the show.”
Ang tiniyak lang ni Billy, sakaling mag-host uli siya ng noontime show ay isang programa lang ang gusto niya.
Sabi niya, “So if I’m able to go back and if I’m given the opportunity, honestly, it would have to be Showtime, if ever.”
Sa kasalukuyan, si Billy ang host ng singing game show na Masked Singer Pilipinas sa TV5.
BILLY CRAWFORD AS A FATHER
Magsisimula na ang bagong season ng The Voice Kids sa GMA-7 sa September 14, 2025.
Nagbabalik bilang coach sina Billy at Julie Anne San Jose, samantalang bagong coaches sina Zack Tabudlo at Paolo at Miguel ng Ben&Ben.
Sa sit-down interview ng The Voice Kids coaches kasama ang press, binati si Billy dahil kapapanganak pa lamang ng misis niyang si Coleen Garcia sa kanilang second baby, si Austin, noong August 17, 2025.
Read: Billy, nasa eroplano nang isilang ang second baby nila ni Coleen
Aminado si Billy na inspired siyang magtrabaho ngayong may bagong miyembro sa kanilang pamilya. Ang panganay nila ni Coleen ay si Amari, 5.
“Nakakadagdag energy, nakakadagdag ng positivity sa buhay ko,” sabi ni Billy ukol sa pangalawang anak.
“It cancels all the negative stuff na nangyayari sa mundo.
"Kumbaga, having another addition to my family, personally, yung pinaka sa akin, yung respetong gusto kong ibalik lahat sa asawa ko, just because of what’s shes going through for the past couple of years, from Amari at ngayon kay Austin.”
Naging vocal si Billy sa paghanga niya sa kanyang misis.
Saad niya: “Yun talagang mapapahanga ka. I became even a bigger fan to my wife, and I try to be the best support system sa bagong bata.
“So, nakakadagdag talaga siya ng emosyon.
"Kumbaga, dito sa taping o dito sa amin, I try to speak from the heart as much as I can, kasi nga I’m in a place of heart right now.”
ON THE VOICE KIDS NEW COACHES
Napag-usapan na rin lang ang new members of their family, nagsalita si Billy tungkol sa bagong coaches the The Voice Kids na si Zack at ang kambal na sina Paolo at Miguel ng bandang Ben&Ben.
“These guys are here and they are meant to be here,” pahayag ni Billy.
“Having the new additions sa pamilyang The Voice, its a great feeling, it’s a really good feeling that we get to connect, we get to speak… not even tungkol sa trabaho.
“Most of the time, pag nandito kami, we speak about life. We really get along, and we really consider each other as family.”
Hindi lamang ang pagiging talented ng new coaches ang hinahangaan ni Billy.
Sabi niya, “Kami ni Julie, we’ve been in this industry for so long. We dealt and we’ve seen so many people in this industry.
"But these guys are really humble, they’re really, really talented.
“They have a purpose and they deserve to be on those chairs because these kids [contestants] strive to be like them.
"They’re going to grow up amazing songwriters, amazing performers.”
Eere ang The Voice Kids 7:15 P.M., pagkatapos ng Pepito Manaloto, sa GMA-7.