Dumalo ang socialite at dating aktres na si Gretchen Barretto sa preliminary investigation ng Department of Justice (DOJ) sa kaso ng mga nawawalang sabungeros ngayong Huwebes, September 18, 2025.
Dumating si Gretchen sa DOJ kasama ang kanyang abogadong si Atty. Alma Mallonga.
Ginamit rin nila ang pagkakataon upang magsumite si Gretchen ng counter-affidavit sa akusasyon laban sa kanya.
Nanindigan ang kampo ni Gretchen, sa pamamagitan ni Atty. Mallonga, na sa ngayon ay alegasyon pa lamang ang lahat ng reklamo laban sa dating aktres.
Saad ni Mallonga: "We will abide by the process. Part of the process is attending the preliminary investigation and submitting a counter-affidavit.
"And as you know, we have said from the very start that the accusations against Ms. Barretto stands on nothing.
"And if you look at the complaint affidavit, it's actually recognized, the accusations against her are actually recognized as allegations, unsubstantiated, unproven."
Naniniwala rin si Mallonga na walang kredibilidad ang testigo laban kay Gretchen kaya umaasa silang mabasura ang reklamo.
"And at the end of the day, incredible and made by a witness who also himself lacks credibility in this respect.
"So yun lang. I hope, I hope that this case is disposed off quickly as justice demands. We have done our part. Ms. Barretto will continue doing her part.
"Yun lang. For the moment, let's see what happens.
"We don't want to preempt, but we have made our position very clear. We believe that if justice is to be followed, the complaints against Ms. Barretto should be dismissed forthwith," pahayag ni Mallonga.
Nagtitiwala naman daw si Gretchen sa imbestigasyon na magiging patas ito.
"I trust," maiksing sabi niya.
May nais ba siyang sabihin sa publiko sa ngayon?
"Nothing for now," sagot ni Gretchen.
Read: Gretchen Barretto, nasa listahan ng sangkot sa missing sabungero?
GRETCHEN DENIES INVOLVEMENT IN MISSING SABUNGEROS CASE
Nauna nang itinanggi ni Gretchen ang alegasyong sangkot siya sa kaso ng mga nawawalang sabungero.
Sa inilabas na opisyal na pahayag ng legal counsel niyang si Atty. Mallonga noong July 4, 2025, pinalagan nila ang pagdawit ni Julie "Dondon" Patidongan o Alias Totoy sa pangalan ng aktres.
Bukod kay Gretchen, kabilang din ang businessman at gambling tycoon na si Charlie "Atong" Ang sa mga suspek sa pagkawala ng mga sabungero.
Read: Atong Ang, Gretchen Barretto tagged in missing sabungeros case
Tinawag nilang "plain suspicion" ang pagdadawit sa pangalan ng aktres sa kaso ng mga nawawalang sabungero dahil lamang sa pagiging malapit nito kay Atong.
Iginiit ni Mallonga na narinig lamang ng kanyang kliyente ang tungkol sa pagkawala ng mga sabungero, at wala itong mahalagang nalalaman dito.
Hindi umano nag-operate ng sabungan si Gretchen, at wala rin itong partisipasyon sa e-sabong na sinuspinde na noong 2023.
Investor lamang daw ang aktres sa Pitmaster, kung saan hindi raw bababa sa 20 ang nasa kategoryang "alpha members."
Wala rin umanong dinaluhang meetings si Gretchen kung saan hiningi at ibinigay nito ang kanyang approval upang magsagawa ng pagdukot sa mga sabungero.
Ikinalulungkot daw ni Gretchen na idinidiin siya sa isyu nang walang basehan, at naging tampulan ng mga espekulasyon na base lamang sa mga tsismis.
Naiintindihan daw ng aktres ang kahalagahang maresolba ang kaso. Karapatan daw ng mga sabungero at kanilang pamilya na malaman ang katotohanan, at magkaroon ng closure.
Read: Gretchen Barretto denies involvement in missing sabungeros case