Dalawang pelikulang tampok ang Pinoy Big Brother (PBB) Celebrity Collab Edition Kapuso Second Big Placer na si Will Ashley ang pasok sa Metro Manila Film Festival (MMFF) 2025.
Ito ay ang Love You So Bad at Bar Boys After School.
LOVE YOU SO BAD
Pasok sa MMFF 2025 ang Love You So Bad na pinagbibidahan ni Will at ng housemates niya sa PBB na sina Bianca de Vera at Dustin Yu.
Collaboration ito ng tatlo sa pinakamalalaking film productions sa bansa: Star Cinema, GMA Pictures, at Regal Entertainment Inc.
Read: Jake Cuenca on split with Chie Filomeno: “That chapter of my life is over now."
Ang Love You So Bad ay mula sa direksiyon ni Mae Cruz Alviar at panulat ni Crystal San Miguel.
Incidentally, present sa announcement ng Final 4 official entries sa 51st edition ng MMFF na ginanap sa University of Makati ngayong Biyernes, October 10, 2025, sina Will, Bianca, at Dustin.
BAR BOYS AFTER SCHOOL
Ang Bar Boys After School ay sequel ng comedy-drama indie film na Bar Boys (2017).
Magbabalik sa Bar Boys After School ang original cast ng Bar Boys na sina Carlo Aquino, Rocco Nacino, Enzo Pineda, at Kean Cipriano.
Nasa cast din nito sina Odette Khan, Glaiza de Castro, Therese Malvar, Royce Cabrera, Sassa Gurl, Benedix Ramos, Bryce Eusebio, Klarisse de Guzman, Emilio Daez, at Will Ashley.
Ang direktor ng Bar Boys After School ay si Kip Oebanda, at iprinodyus ito ng 901 Studios.
Read: DJ Mo bids goodbye to Las Vegas home with Angelicopter
I'MPERFECT
Napili rin para mapabilang sa MMFF 2025 ay ang I'mPerfect ng Nathan Studios ng pamilya Atayde.
Ang pelikula ay tumatalakay sa Down syndrome, at mula sa direksiyon ni Sigrid Andrea Bernardo.
Bida rito sina Krystel Go at Earl Amaba, na parehong may Down syndrome.
Suportado sila nina Lorna Tolentino, Sylvia Sanchez, Janice de Belen, Tonton Gutierrez, Joey Marquez, at Zaijian Jaranilla.
UNMARRY
At ang panghuling nakapasok sa MMFF 2025 ay ang UnMarry, na pinagbibidahan nina Angelica Panganiban at Zanjoe Marudo.
Kasama rin sa cast sina Tom Rodriguez, Solenn Heussaff, at Eugene Domingo.
Mula ito sa direksiyon ni Jeffrey Jeturian, at panulat nina Chris Martinez at Therese Cayaba. Iprinodyus ito ng Quantum Films at Cineko Films.
Read: Mavy at Cassy, sinagot ang pagkukumpara kina Andres at Atasha
FIRST FOUR OFFICIAL ENTRIES TO MMFF 2025
Nauna nang inanunsiyo ang unang apat na official entries sa MMFF 2025 noong July 8, 2025.
Magsasama sina Vice Ganda at Nadine Lustre sa comedy-drama na Call Me Mother. Mula ito sa direksiyon ni Jun Robles Lana.
Kasama rin sa cast ang PBB Celebrity Collab ex-housemates na sina Mika Salamanca, Brent Manalo, Shuvee Etrata, Esnyr Ranollo, at si Klarisse de Guzman na nasa Bar Boys After School din.
Bida naman si Piolo Pascual sa crime-thriller na Manila's Finest. Directed by Raymond Red. Kasama rin sa cast sina Enrique Gil at ang nagbabalik na si Rica Peralejo.
Pasok din ang family drama na Rekonek, na pinagbibidahan nina Carmina Villarroel, Zoren Legaspi, Gloria Diaz, Bela Padilla, Andrea Brillantes, Cassy Legaspi, Mavy Legaspi, Alexa Miro, at Gerald Anderson. Idinirek ito ni Jade Castro.
Dalawa rin ang pelikula ni Dustin Yu na kasama sa MMFF 2025. Kasama rin siya sa star-studded cast ng Shake, Rattle & Roll: Evil Origins.
Tampok din dito sina Richard Gutierrez, Carla Abellana, Manilyn Reynes, Ivana Alawi, Francine Diaz, Seth Fedelin, Fyang Smith, JM Ibarra, Loisa Andalio, Ysabel Ortega, at Janice de Belen.
Idinirek ito nina Shugo Praico, Joey de Guzman, at Ian Loreños.