Ipinagluluksa ng content creator at YouTube vlogger na si Mich Liggayu ang pagkamatay ng singer-songwriter na si Davey Langit.
Binawian ng buhay si Davey noong Martes, October 21, 2025, sa edad na 38.
Na-diagnose si Davey na mayroong spondylodiscitis, isang uri ng infection na tumatama sa intervertebral discs at adjacent vertebrae.
Read: Former Pinoy Dream Academy contestant Davey Langit dies
Mich hopes Davey has found peace with late Jam Sebastian in heaven
Sa pamamagitan ng Facebook post ngayong Huwebes, October 23, binigyang pugay ni Mich ang kabaitan at kabutihan ng malapit niyang kaibigang si Davey.
Kalakip nito ang YouTube link ng sikat na kanta ni Davey na "Selfie Song."
Taong 2013 nang i-release ng dating Pinoy Dream Academy Season 1 contestant ang "Selfie Song," na si Davey ang kumanta at sumulat.
Sa music video nito, tampok ang tambalan ni Mich at ang pumanaw na rin niyang nobyong si Jam Sebastian — o mas kilala bilang JaMich.
Read: Mich Liggayu creates solo YouTube channel; doesn't expect it to be as successful as Jamich's
Mababasang caption sa post ni Mich (published as is): "Heaven must sound even more beautiful today.
"Sharing again our Selfie Song, collab with the ever-talented Davey Langit.
"I’ve always known Davey as a kind, humble, and gifted soul who shared his music generously with everyone around him."
Ayon pa kay Mich, habang pinapanood ang pinagsamahan nilang music video ay hindi niya maiwasang isipin na masaya na si Davey sa langit kasama si Jam.
2015 nang pumanaw ang sikat noong vlogger na si Jam dahil sa stage 4 lung cancer.
Read: Jam Sebastian dies after being taken off life support
Inalala rin ni Mich ang mga huling sandaling nakausap niya si Davey, kunsaan pinagplanuhan pa nilang mag-collab, ngunit hindi na ito mangyayari pa.
Lahad ni Mich: "Watching this MV hits different now, knowing na sila Skippy, Jam, at Davey magkakasama na sa Heaven. I can just imagine them jamming and smiling up there.
"The last time we talked, we were planning another collab. Napaka gaan lagi kausap ni Davey, such a genuine spirit.
"You will always be remembered, Davey. Thank you for the music and the warmth you brought into this world."
Dagdag pa niya, "May God and His angels bring love and comfort to your family."
Bukod sa "Selfie Song," ilang piyesang kanta pa ang pinasikat ni Davey tulad ng "NGSB (No Girlfriend Since Break)," "Wedding Song," "Gitna," at "Idjay."
Read: Ogie Alcasid, nagdadalamhati sa pagpanaw ni Davey Langit