Patuloy ang pagdagsa ng pakikiramay sa naiwang pamilya ni Emman Atienza.
Si Emman ay anak ng TV host na si Kim Atienza at lady boss na si Felicia Hung Atienza.
Marami sa mga nakikiramay ay "devastated" at hindi makapaniwalang hindi na muli masisilayan ang sigla at kabutihang ipinamalas ni Emman sa kanila.
Sa Instagram ni Emman, noon lamang October 17, 2025, nagbahagi pa ito ng masasayang litrato mula sa kanyang pagkabata.
Kalakip ng Philippine flag at heart emoji, saad sa caption ng kanyang post: "this post is dedicated to my childhood and the zoo that raised me."
EMMAN ATIENZA CHILDHOOD PHOTOS
Una sa kanyang photo carousel ay litrato ng 11 na aso, na ilan lamang sa iba-ibang alagang hayop na kinalakihan ni Emman.
Ikalawa ay litrato ni Emman, noong bata pa lang siya, na masayang nagtatampisaw sa batya na may bula sa mga labadang damit.
Ikatlo ay litrato ni Emman na nakaupo sa make-up chair at nilalagyan ng kolerete sa mukha.
Ikaapat ay ang masayang litrato niya na kuha nang mag-uwi siya ng apat na gold medals bilang isang batang gymnast.
Ikalima ay kuha ni Emman sa isang beach na waring kakatapos lamang mag-aral ng surfing.
Ikaanim ay litrato niya sa tuktok ng snow-covered mountain na halatang nag-enjoy sa skiing.
Ikapito ay solo picture niyang nakaupo sa batya na ginawa niyang bathtub.
Ikawalo ay litrato niya kasama ng ina at kapatid na may hawak na pumpkin baskets para sa Halloween trick or treat.
Ikasiyam ay kuha matapos niyang sumali sa isang fun run at masayang may hawak na cotton candy.
Ikasampu ay litrato niya na nakaangkas sa motor ni Kuya Kim.
Ikalabing-isa ay childhood photo nila ng kapatid kasama ng mga alagang puting puppies.
May litrato rin siya sakay ng yacht kasama ang ina at kapatid na ine-enjoy ang sunset view sa dagat.
Tulad ng ibang bata ay mga simpleng bagay ang nagbigay ng lubos na kasiyahan kay Emman.
Mahihinuhang na-miss din niya ang mga mahal sa buhay at bansang Pilipinas kunsaan siya lumaki at nagkamalay.
Nang i-post ni Emman ang IG carousel noong October 20, nag-comment pa ang ama niyang si Kim at nagsabing: "So excited to see you again dearest emman!"
Nasa U.S. si Emman nang siya ay bawian ng buhay noong October 22, 2025.
Hindi inaasahan ang pagpanaw ni Emman, base na rin sa pahayag ng kanyang pamilya.
Read: Emman Atienza’s last Threads post shows pain from online hate
KUYA KIM ATIENZA RESHARES MESSAGES FROM FAMILY, FRIENDS, COLLEAGUES
Sa Instagram Stories ni Kim, sunud-sunod niyang ibinahagi ang pag-alala ng mga kaibigan, kaibigan, katrabaho, at ibang taong nabiyayaan ng presensya ni Emman noong nabubuhay pa ito.
Inilarawan si Emman ng isang kaklase nito bilang kind and supportive friend na nag-impluwensiya raw rito ng "love for climbing."
Puno raw si Emman ng "love, laughter, and support" at tinulungan siyang maging confident sa kanilang hobby.
Naalala naman ng isang kaibigan ang kakulitan at pagging "carefree" ni Emman pag magkakasama silang magkakaibigan.
Isa pa ang nagbahagi ng pagiging "sweet angel" ni Emman sa mga bata na sinamahan nito sa paglalaro ng piano.
Naalala naman ng ibang kaibigan na si Emman ay "full of energy, laughter, and light."
Magaan daw ang presensiya niya at "sobrang genuine" at "bright soul."
May foreigner friend din si Emman na nagpatunay na marami raw kuwento si Emman tungkol sa bansang sinilangan at kung gaano nito kamahal ang pamilya at mga kaibigan.
Pumanaw man si Emman ay mananatili ang liwanag na naiwan nito sa mga mahal sa buhay.
To those who are seeking either someone to talk to or professional help because of mental health issues, you may call National Center for Mental Health Crisis Hotline: 1553, Landline (02) 7-989-8727 and mobile number 0966-351-4518.
Related Stories:
- Social media influencer Emman Atienza dies at 19
- Emman Atienza: Remembering a Gen Z advocate's impact
- Emman Atienza’s last Threads post shows pain from online hate
- Friends pay tribute to late influencer Emman Atienza
- Emman Atienza death, ini-report ng major international news outlets
- Emman Atienza’s past post on mental health resurfaces online
- Filipino celebrities taking a strong stand against cyberbullying
- Kim Atienza urges compassion and kindness following daughter Emman’s passing
- Emman Atienza denies corruption funds her lavish lifestyle
- Emman Atienza airs side over viral "PHP130k dinner" video
- Kim Atienza defends daughter's involvement in protests