Idiniin ni Dominic Roque na retired na siya sa showbiz mula pa noong 2018.
"Matagal na po akong wala sa showbiz since 2018," paglilinaw niya nang tanungin ng PEP.ph (Philippine Entertainment Portal) kung ano pa ang balak niyang gawin sa kanyang karera.
Dagdag pa ni Dominic, "So, hindi na po ako umaarte sa TV or sa movies, since 2018."
Masaya raw siya sa kanyang tinatahak na karera ngayon — ang pagiging content creator.
"Fully, naging content creator ako since 2018 up to now," banggit niya.
Ano ang pagkakaiba sa ginagawa niya noon sa showbiz at ngayon bilang content creator?
Sagot ni Dominic: "Difference? Hindi na po umarte. Ito, mainly ginagawa ko, paggawa lang ng content sa sarili ko."
Chill lang ba ito? Dahil walang pressure?
Saad ng dating aktor: "Mas siguro mas chill. Mas hindi yung nasa harap ng camera all the time, like acting.
"Siguro yan, mas walang pressure. Mas ini-enjoy ko yung ginagawa ko.
"Mas nag-e-enjoy akong gumagawa ng content. And yan nga, um-attend ng mga events like this."
Ang tinutukoy na event ni Dominic ay ang grand launch ng Swiss Proli night gummies na pag-aari ng aktres na si Julia Montes at ng chemist na si Pinky Tobiano.
Ginanap ang product launch sa Marquis Events Place, Bonifacio Global City, nitong Martes, November 4, 2025.
Nakikita ba niyang content creation na talaga ang direksiyon ng karamihan ngayon?
"Yeah, mainly," tugon ni Dominic.
"Paggawa ng sarili mong content, kung ano ang gusto mong gawin, kung ano ang gusto mong i-shoot, saan mo gusto pumunta."
Marami ba siyang natatanggap na proyekto?
"I think, yes, mas okay naman siya sa akin. Kaya siguro rin ako umalis ng showbiz before kasi mas nakitaan ako ng potensiyal sa aking social media content creation.
"So, mas maganda yung work or mas maganda earnings ko kaysa pag-arte sa showbiz," pagbabahagi niya.
Bukod pa rito, hawak daw niya ang kanyang oras.
Ani Dominic, "Hawak ko oras ko. And nagagawa ko yung shoots ko everywhere I want, anywhere I want. Saka, mas enjoy."
Read: Janice de Belen, nag-walkout sa event dahil kay John Estrada?
DOMINIC ROQUE ON LOVE LIFE
Pagdating naman sa relasyon nila ng girlfriend na si Sue Ramirez, smooth-sailing daw ito.
"We're doing good. Chill," maikli niyang komento.
Read: Dominic Roque, "super" tanggap ng pamilya ni Sue Ramirez
Samantala, inusisa rin ng PEP kung ano na ang mga investment ni Dominic na pinaghirapan niya.
Sagot niya: "Dugo't pawis? Alam mo yun, di ako nag-aano about sa mga ano yung napundar ko and all, e.
"I have my business. I have my own work job also. So, yun lang."