May napabalitang isa sa dahilan kung bakit nag-back out si Kate Alejandrino sa sexy play na Anino sa Likod ng Buwan ay dahil sa mister niyang si Cedrick Juan.
Pinabulaanan ito ni Cedrick.
“No. Hindi po ako,” umpisang bulalas ni Cedrick.
“I think it's a personal decision and, at the same time, it's a decision of Idea First Company to really cast the right actor na kailangan po nila.
“Ganun naman ang casting. It’s not only about the skills that you can give, it's really yung proper casting na nakikita and visually ng director din, aside from yung skills,” paglilinaw ni Cedrick.
Read: Hollywood director Rob Reiner and wife found dead in their home
CEDRICK JUAN PRIORITIZES WIFE KATE ALEJANDRINO'S RECOVERY
Pagdating sa projects, hinahayaan ba ni Cedrick ang misis niyang magdesisyon kung alin o ano ang pipiliin?
“Well, siyempre, sa ngayon po, five months pa lang yung baby namin, para sa akin, it's more of parang sanity.
“Kung kaya na niya, maybe she can work from time to time, minsan meron siyang mga projects na tinatanggap.
“Pero I think, ang mahalaga sa ngayon is yung recovery, kasi very important po yun lalo na sa postpartum stage ng mga mommies and iyon po yung goal, to recover and eventually, siyempre, nandiyan naman lagi yung pagiging aktor namin ni Kate.”
Isinilang ni Kate ang kanilang baby boy noong June 18, 2025.
Read: Marie Lozano absuwelto sa kasong libel ni Gretchen Fullido
CEDRICK JUAN on married life
Kumusta ang buhay bilang isang family man?
Ikinasal sina Cedrick at Kate nitong nakaraang February 25, 2025.
“Ayos naman po. I think married life naman, always challenging in a good way. I think it's parang ever-growing development naman ng dalawang nagsasama sa isang married life.
“Ganun naman siya and siyempre may another blessing pa with our baby boy.
"So always exciting, always challenging, but always worth it,” nakangiting pahayag ni Cedrick.
Paano ba ang arrangements nilang mag-asawa pagdating sa showbiz careers nila?
Lahad niya: “Well I think very important nowadays, lalo na pag ano ka… hindi lang naman pag married na, I think kahit naman sa kahit anong partnership, it's always being transparent about everything and yun lang naman yung gusto namin.
“Be transparent at huwag yung parang biglang may malalaman na lang unnecessary na bagay na hindi mo nasabi beforehand.
"The number one thing is not really feel someone na being betrayed na, ‘O, hindi ko alam iyan, sana nasabi mo.'
“I think, iyon naman yung kailangan. Laging with any kind of relationship, even in friendship, with our family as well, with your partner and even with the younger generations.
“I think yun naman yung kailangan, yung transparency.”
CEDRICK JUAN ON ANDOY
Eksklusibong nakausap ng PEP.ph (Philippine Entertainment Portal) si Cedrick sa storycon ng ANDOY, isang psychological/torture/horror film, nooong November 13, 2025, sa Sparx Café & Resto sa Project 8, Quezon City.
Nasa pelikula rin sina Jennica Garcia, Albie Casiño, Angelica Lao, Victor Relosa, Paolo Gumabao, at Aya Fernandez.
Mula sa Wonderlust Films, ang pelikula ay magsisilbing feature length directorial debut ni Mark Putian, na kilala sa mga short films at music video.
Paano napa-oo si Cedrick na gawin ang Andoy?
“Siguro ever since, lalo na lang nandun pa ako sa first management na Idea First Company, kina Direk Jun Lana and Direk Percy, every time na mag-uusap kami na parang kung ano yung dream ko na gawin na role, ang alam ko, naalala ko na unang kong nabanggit sa kanila na film, yung Split, yung kay James McAvoy.”
Ang Split ay ang 2016 psychological thriller film ng director na si M. Night Shyamalan.
Pagpapatuloy ni Cedrick: “Parang somehow kasi, meron tayong idea… ako, meron akong idea na sometimes, gusto mong mag-give in dun sa kung ano lang yung nasa isip mo and not just really think about it or kung ano man yung consequences.
“Minsan, may ganun tayong side ng mga tao, and I think for the longest time, I've been looking for something na really would challenge me a lot or maybe go beyond the limits of my craft.
"And I think, nung nabasa ko yung script, meron lang kami mga clarifications din ni [Direk] Mark and after nag-usap kami na, ‘Ah, okay.’
“Gusto ko lang maging same page kami with ano yung gusto naming iparating sa mga tao. Parang sabi ko, yeah, I think ano siya, challenging siya and for sure, this will be a really collaborative work. Kaya I said yes after that,” pagtatapos ni Cedrick.