Ikinasal na ang dating Pinoy Big Brother (PBB) housemate na si Joj Agpangan sa kanyang foreign non-showbiz fiancé na si Danny.
Ngayong Biyernes, December 26, 2025, ibinahagi ni Joj sa kanyang Instagram account ang ilang kuhang litrato mula sa kasal nila.
Mababasa sa caption ni Joj: "One of the best Christmas gifts I could ever ask for. So happy to finally share this special news with everyone!
"From Ms. to Mrs. and officially entering my soft life era. I feel so blessed to spend the rest of my life with my soulmate. My heart is so full!
"It’s official… I AM A WIFE!"
Dagdag pa niya, "PINAS CELEB SOOOON."
JOJ-DANNY'S SECRET MARRIAGE
Kasunod ng pagpu-post ng mga litrato ay ang pag-upload ni Joj ng vlog sa YouTube.
Dito ay idinetalye niya kung kailan at paano nila ipinagdiwang ni Danny ang kanilang “secret” at “intimate” wedding.
Ayon kay Joj, noong September 20 pa naganap ang kanilang pag-iisang dibdib sa isang maliit na chapel sa Austin, Texas.
Rebelasyon ni Joj: "We got married secretly and told our parents later.
"September 20 was actually my dad's birthday. I greeted him but we were on the way to the chapel."
Read: Donnalyn Bartolome announces end of vlogging journey
JOJ SAYS DANNY IS THE RIGHT MAN FOR HER
Ibinahagi rin ni Joj na itinuturing niyang isa sa "best decisions" ng kanyang buhay ang pagpapakasal kay Danny.
Simula pa lang daw kasi ng kanilang relasyon ay alam at ramdam niyang si Danny na ang lalaking itinadhana sa kanya.
Saad ni Joj: "Being a wife to Danny is one of the best decisions I made. Saying yes to your soulmate. I knew it from the start that he's the one for me.
"I really admire my husband because he planned everything.
"Of course, we prayed for this, and it was just the right timing for the both of us.
"I really prayed and manifested this. God puzzled everything in His perfect timing."
Dagdag pa ni Joj: "This year is actually my year. I got engaged and I got married. A lot of things are happening. I'm so grateful.
"And as you noticed, guys, I never mentioned a fiancée era—it went straight to the wifey era, so I already gave you a hint.
"I'm a married woman, and I'm really, really happy about it."
Noong October 5, unang napaulat ang engagement ni Joj sa kanyang non-showbiz partner matapos niyang mag-post sa Instagram ng larawan mula sa proposal ni Danny.
Read: PBB ex-housemate Joj Agpangan announces engagement
Nakilala si Joj nang sumali siya sa PBB Teen Edition 4 noong 2012, kunsaan sa edisyon nila ay tinanghal na Big Winner si Myrtle Sarrosa.
Ka-2-in-1 niya sa Bahay Ni Kuya si Jai, ang kanyang kakambal.
Umabot ang kambal sa Big Four, kung saan naging Fourth Big Placer sila.
Matapos nito ay naging artista ang dalawa at nakasali sa ilang teleserye at pelikula, tulad ng Feng Shui 2 (2014), We Will Survive (2016), The Good Son (2017), at Darna (2022).