Engaged na si Joj Agpangan.
Ito ang masayang balita na ipinahayag ng Pinoy Big Brother ex-housemate sa kanyang Instagram account ngayong araw, October 5, 2025.
“He put a ring on it! From Tita Joj to Wifey Joj,” saad ni Joj sa caption, kalakip ang mga larawan ng proposal sa kanya ng foreign boyfriend na si Danny.
Ang mensahe niya sa fiance: "Forever starts now with you, Danny. What a journey it has been—everything happened in God’s perfect timing.
"I feel so blessed to have a man who loves so deeply and fully. My soulmate, I love you so much!"
Sa Austin, Texas, naganap ang proposal.
Nasa caption ng Instagram post ang link sa vlog ni Joj na naka-upload sa YouTube.
“It’s a lot to process, but I’m engaged. Can’t believe it,” ang sambit ng 30-year-old celebrity.
Suportado umano ng kani-kanilang mga pamilya ang engagement.
“Me and Danny, we’re really grateful that we have an amazing family. They’re very supportive, they’re very loving.
"That's why it’s super smooth yung journey sa amin,” saad niya.
Read:
Kristine Hermosa on "most beautiful" tag and beauty secret
BLIND ITEM: Charming Actress na ikakasal, misteryoso ang groom
Joj Agpangan on fiance
Ibinida rin ng PBB alumna ang kanyang low-key non-showbiz fiancé.
“He’s really a great guy. He’s the best, and I can’t wait to spend my whole life with him,” saad niya.
Sa U.S. na raw siya titira.
"Transitioning here...is really a big step for me, but I'm excited. I'm just like positive. And good energy.
"People here are really nice."
Joj Agpangan's engagement ring
Agaw-pansin naman ang malaki niyang engagement ring.
Ipinakita niya sa video ang itsura ng singsing na may tatlong diamonds.
Isang oval-shaped diamond sa gitna at dalawang maliit sa magkabilang gilid.
Ang dalawang cute diamonds, aniya, "It symbolizes me and Jai because we're twin sisters. Jai is a big part of my life."
Matatandaang sumikat si Joj noong 2012, nang sumali siya sa PBB Teen Edition 4, kunsaan Big Winner si Myrtle Sarrosa.
Ka-2-in-1 niya sa Bahay ni Kuya si Jai.
Umabot ang kambal sa Big Four, kung saan naging Fourth Big Placer sila.
Matapos nito ay naging artista ang dalawa at nakasali sa ilang teleserye at pelikula, tulad ng Feng Shui 2 (2014), We Will Survive (2016), The Good Son (2017), at Darna (2022).