Matapos ang ilang linggong paghahanap at pag-aalala, sa wakas ay natukoy na ang kinaroroonan ng nawawalang bride-to-be na si Sherra de Juan.
Ngayong Lunes, December 29, 2025, kinumpirma ng Quezon City Police District (QCPD) na si Sherra ay nasa Ilocos Region.
Ayon sa ulat ng ABS-CBN News, kasalukuyan nang sinusundo si Sherra ng mga tauhan ng QCPD Police Station 5, kasama ang kanyang pamilya.
Inaasahang makakabalik sa Maynila ang dalaga ngayong alas-singko ng hapon.
Read: Bianca de Vera gets emotional after MMFF Best Actress nomination
Sherra de Juan's disappeArance
Nakatakdang ikasal si Sherra sa kanyang fiancé na si Mark Arjay Reyes noong December 14.
Ngunit hapon ng December 10, napaulat siyang nawawala makaraang magpaalam na bibili lamang sa isang mall sa North Fairview ng sapatos na gagamitin sa kasal.
Read: Carla Abellana and Dr. Reg Santos's wedding vows speak of faith
Agad na ipinaalam ng kanyang nobyo sa mga awtoridad ang hindi pag-uwi ng kanyang bride-to-be makalipas ang ilang oras mula nang magpaalam ito.
Wala umanong dalang anumang gamit si Sherra—maging ang kanyang cellphone ay naiwan—na lalong nagdulot ng pangamba sa kanyang pamilya.
Read: Mark Mugen on Top of His Game
Sa paggulong ng imbestigasyon ng pulisya, kumalap sila ng mga CCTV (closed-circuit television) footage na posibleng magturo sa kinaroroonan ni Sherra.
Isang CCTV footage ang nakuha nila noong December 10, na nagpapakitang bandang 1:25 P.M. ay naglalakad si Sherra sa isang eskinitang malapit sa kanilang bahay.
1:29 P.M. nang makunan naman siyang tumawid papunta sa isang fast-food restaurant.
Huling namataan si Sherra bandang 1:37 P.M., habang naglalakad malapit sa isang gasoline station sa kanilang lugar.
Dahil sa misteryosong pagkawala ni Sherra, bumuo ang QCPD ng isang Special Investigation Team na tututok sa kaso.
Sa kanilang imbestigasyon, lumabas ang impormasyong may pinagdaraanang financial at emotional distress umano si Sherra.
Batay umano ito sa isinagawang digital forensic examination sa cellphone na naiwan ng dalaga.
Ayon sa mga awtoridad, lumabas sa chat history ni Sherra na siya ay problemado sa gastusin para sa pagpapagamot ng kanyang ama at sa mga gastusin sa kasal.
Bagay na mariin namang itinanggi ng kanyang pamilya, partikular ng kanyang ama at fiancé.