Maraming netizens ang sumang-ayon sa Kapamilya TV host na si Bianca Gonzalez matapos niyang mag-react sa mas mahal na pamasahe sa ilang tourist destinations sa loob ng Pilipinas kumpara sa ibang bansa.
Noong January 23, 2026, ni-repost ni Bianca sa X (dating Twitter) ang tweet ni dating Commission on Elections (Comelec) commissioner Atty. Gregorio Larrazabal tungkol sa turismo sa bansa kumpara sa iba pang Asian countries.
Mababasa sa post ng dating Comelec official (published as is): "How can you convince Filipinos to travel to other parts of the Philippines, when it’s cheaper to fly to Hong Kong, Singapore or other ASEAN destinations, than it is to fly to some tourist destinations IN the Philippines?
"Make flights cheaper to destinations INSIDE the Philippines."
Sinang-ayunan ito ni Bianca at mabilis na ini-repost sa kanyang X account.
Sa caption, ibinahagi niya ang karanasan nang minsang magpunta sa Siargao.
Ayon sa Pinoy Big Brother host, mas mahal ang ginastos niya para rito kaysa sa pagpunta sa ibang bansa gaya ng Hong Kong, Thailand, at Vietnam.
Saad ni Bianca: "Totoo. Bakit ganun. We booked a trip to Siargao and it is more expensive than a trip to Hong Kong, Bangkok, or Vietnam."
Dagdag pa niya, "Mas mahirap suportahan ang lokal na turismo dahil ang mahal."
Netizens' Mixed Reactions to Bianca’s Take
Agad na umani ng samu’t saring reaksiyon mula sa netizens na may parehas na karanasan kay Bianca ang natura niyang post.
Read: Filipino travelers can visit Hainan, China visa-free
Pagsang-ayon ng isang netizen (published as is): "Agree! We went to Sagada early January, and we spent P11K for three days, ‘di pa kasama accommodation and airfare."
Saad ng isa (published as is): "Seryoso. Nagpunta ako sa Palawan na di pa peak season ah. Parehas ng star yung binook namin sa Thailand. 3 nights lang ako sa Palawan pero mas mahal pa yun kaysa sa Thailand na 4 nights like howwww??!!"
Sabi pa ng isa (published as is): "2019 pa last domestic flight ko. Sobrang mahal ng flight, hotel, lalo na goods, pang foreigner yung price."
Read: Philippines included again in Canada’s visa-free travel program
Mayroon ding netizens ang isinisisi ang mahal na travel cost ng Pilipinas sa gobyerno.
Pahayag ng isang netizen (published as is): "As someone who traveled to some places in the Philippines ang masasabi ko lang is it’s kinda sad to know na a lot of people still haven’t been to those places because it expensive. Like, they missed out a lot of beautiful spots. And im blaming the government."
Panawagan pa ng isa (published as is): "Sana naman nakikinig ang gobyerno. Di lang airfares kundi hotel rates din. Mismong mga pinoy di na-eencourage puntahan ang tourist spots sa Pinas dahil dito. Baka kasi yong mga nasa gobyerno eh sila rin mga negosyante na nakikinabang sa mahal na presyo."
"Like yes, the Philippines have so many beautiful places but the thing is it's too expensive that even locals can't afford. So sad but it just reflects how awful the government is," dagdag pa ng isa.
Read: John Lloyd, Isabel spotted together in Thailand amid split rumors
Kamakailan lamang nang mapabalita ang ikakasang Travel Tour Expo 2026 ng Philippine Travel Agencies Association (PTAA), na layong mag-alok ng promos and discounts sa mga domestic flights sa Pilipinas para sa ikakayabong ng turismo ng bansa.
Read: Kampo ni Raymart, sinagot ang "kidnapping" allegation ni Claudine
Samantala, sa pagbisita ng PEP.ph (Philippine Entertainment Portal) sa Google Flights, para sa presyo ng biyahe ngayong darating na February 2026 ay makikita na hindi nga nagkakalayo ang presyo ng domestic flights sa international flights.
Ang pamasahe round trip mula Maynila patungong Siargao ay naglalaro sa PHP6,000 hanggang PHP11,000, habang sa Boracay naman ay PHP4,000 hanggang PHP7,000.
Para sa mga karatig-bansa, ang round-trip flights mula Maynila ay nasa PHP7,000 hanggang PHP11,000 patungong Hong Kong; PHP14,000 hanggang PHP20,000 naman patungong Hanoi, Vietnam; at PHP10,000 hanggang PHP15,000 patungong Bangkok, Thailand.