Ipinaalam ni Andi Eigenmann sa kanyang social media followers na huwag maniwala sa isang fake donation drive na ginagamit ang kanyang pangalan sa Telegram.
Sa Instagram Story niya kagabi, February 26, 2026, nagbahagi si Andi ng ilang screenshots ng mensahe ng kanyang poser sa kanyang mga kaibigan. Nanghihingi ito ng pera.
Dinawit pa ng scammer ang pangalan ng partner niyang si Philmar Alipayo sa panghihingi ng donasyon.
Ang pekeng donation drive ay para raw linisin ang karagatan ng Siargao bilang suporta sa surfers ng lugar.
Kilalang champion surfer si Philmar.
Sabi ni Andi sa unang screenshot (published as is): "WARNING!! SOMEONE IS POSING AS ME ON TELEGRAM AND ATTEMPTING TO SOLICIT MONEY IN THE GUISE OF A DONATION DRIVE! PLEASE BE ADVISED THAT I WILL NEVER IN MY LIFE ASK ANYONE FOR MONEY.
"PLEASE DO NOT ENGAGE! PLEASE DO NOT ASSUME I TALK THAT WAY THROUGH MESSAGING EITHER? PLEASE FIX YOUR GRAMMAR IF YOU WANT TO POSE AS ME!!!"
Ayon pa kay Andi, nangako ang poser niya na ipu-post sa social media ang mga nag-donate sa kanilang donation drive.
Babala niya, "AGAIN, IF THIS POSER MESSAGED YOU AS WELL, PLEASE DO NOT ENGAGE.
"To be absolutely clear: I will never privately request money from anyone!!"
Nakalagay naman sa pangatlong screenshot ang panghihiram ng scammer ng pera dahil na-short daw siya sa pondo.
Nag-book daw kasi siya ng tiket para sa pamilya, nag-withdraw ng malaking halaga at naabot na ang kanyang limit.
Pahayag pa ni Andi, "I AM BAFFLEDDDD
"PLEASE BLOCK THIS PERSON!
"NICE TRY SCAMMER! You could've at least tried to take notes off my tone on social media lol!
"More importantly, bisaya an ako, mga bisaya na barkada oy! Masipog sad ta!
"It takes a slytherin to impersonate a slytherin."
Ang Slytherin ay isa sa apat na Hogwarts Houses (School of Witchcraft and Wizardry) sa Harry Potter.
Read: Alvin Aragon, inamin ang sexual experiences niya noon sa gays
ANDI EIGENMANN REVEALS THEIR SECRET NICKNAMES
Sa pang-apat na screenshot, pinuna ni Andi ang "hug" emoji ng scammer na "dead giveaway" na hindi siya ang nagpadala ng mensahe.
Ibinulgar niyang kinausap ng scammer ang kanyang kaibigan tungkol sa fund drive pero nahalata raw agad ng kaibigan ni Andi na poser ang nagpadala ng mensahe.
Kuwento ni Andi (published as is), "the scammer was calling my friend to follow up on the money (total scammer move) and my friend said, 'sorry i was just talking to the real ate andi'-- BOOM. SHE BLOCKED AND DELETED MY FRIEND IN LESS THAN FIVE SECONDS lol."
Sarkastiko naman ang pahayag ng stepsister ni Andi na si Stevie Eigenman tungkol sa "grammar and literacy" ng scammer.
Hindi raw kasi gawain ng kapatid na magsalita ng ganoon.
Ani Stevie (published as is), "is it silly of me to feel that the grammar and literacy is the most offensive part of all this. like yes my sister would never do this but even MORE SO SHE WOULD NEVER TALK LIKE THAT."
Ni-repost din ng kamag-anak ni Philmar ang post ni Andi para hindi makaperwisyo ang scammer.
Sabi ng kamag-anak ni Philmar kay Andi, "I kinda knew be you never called me 'Ana' hehehe buti nalang talaga may endearment tayo sa dagat @andieigengirl"
Sabi ni Andi, nakatulong sa kanya at mga malapit niyang kakilala na may sikreto silang tawagan sa isa't isa para mabulgar ang scammer.
Ani Andi, "Saved by our secret nicknamessss! Hahaha And also, dont you try to impersonate me and speak in tagalog to the siargaonons!!"
Wala pang bagong update si Andi.
Read: Daniel Fernando lumabas na, walang bakas na bugbog-sarado