Bago ang The Big Night ng Pinoy Big Brother (PBB): Celebrity Collab Edition 2.0, isang mahabang mensahe ang ibinahagi ni Angel Locsin sa X (dating Twitter) bilang pagtatanggol sa stepson na si Joaquin Arce.
Pinalagan ng aktres ang pagtawag kay Joaquin bilang “nepo baby.”
Ang nepo baby ay taguri sa isang tao—karaniwan mula sa entertainment industry—na nagkakaroon ng oportunidad o tagumpay dahil anak o kamag-anak sila ng isang sikat, makapangyarihan, o may koneksiyon na personalidad.
Ayon kay Angel, hindi kailanman naging kasalanan ni Joaquin na maging anak ng kanyang mister, ang negosyanteng si Neil Arce, sa dati nitong asawa, ang dating beauty queen na si Leysel Samson.
Ang tanging kasalanan lamang daw ay i-label ang stepson na "nepo baby," kahit lumaki itong hindi naman ganun karangya ang buhay.
Mahigpit ding itinanggi ni Angel na gumastos sila ng malaking halaga para iboto si Joaquin sa PBB.
Mensahe ni Angel sa kanyang post (published as is): "Bihira lang akong mag social media ha. Pero nagulat ako sa comments ng ilang tao dito.
"Ano namang kasalanan ni Joaquin at naging asawa ko ang dad nya para ma-brand sya as nepo baby?
"Para namang hindi ako nag dyip o bus papuntang tapings ko dati. Kalevel ko pala si Discaya? Lol.
"Pero yung pera ko hindi galing sa nakaw. Yung 12k na boto ko kay Joaquin sa buong journey nya, baka dagdagan ko ma-asar ko lang yung ibang makagawa ng issue.
"My son could have asked me for a project, but ang hiniling nya is mag audition sa PBB.
"Wag bitter. Nakakapanget yan."
Read: Angel Locsin defends stepson Joaquin Arce vs. “nepo baby” tag
JOAQUIN ARCE ON ANGEL LOCSIN: "sHE went out of her hiatus just to support me."
Sa thanksgiving party na inorganisa ng kanyang mga tagahanga at ginanap sa Tipsy Pig, Quezon City, noong Sabado, March 14, 2026, inihayag ni Joaquin ang kanyang walang hanggang pasasalamat kay Angel.
Sabi niya, "Oo, nakita ko talaga. As in, ipinatanggol ako ni Darna, di ba?"
Binansagang "Darna" si Angel nang gampanan niya ang komiks superheroine para sa GMA-7 telefantasya na Darna noong 2005.
Pagpapatuloy ni Joaquin: "So it's not, it's not a lie na she, like, went out of her hiatus just to support me. At talagang nagpapasalamat ako sa kanya.
"I really couldn't have done it without her. Seeing lahat ng mga ginawa niya para sa akin, di ba?
"At ayun, I'm really grateful to her."
Hindi rin nakalimutang pasalamatan ni Joaquin ang pulutong niyang tagahanga na hindi bumitaw sa kanya.
Saad niya: "Talagang nagpapasalamat ako sa kanila lahat. Sobrang masaya ako. Sobrang masaya ako ngayon, sobra.
"Well, they were there during the Big Night and they were here now.
"So, again, I'm so grateful and, honestly, na-overwhelmed talaga ako.
"Ang daming tao dito. Akala ko, like, 'Okay, siguro kaunti lang and, like, yung kaunti lang mga fans na nandito.'
"Pero ang sobrang dami po nila at di ko po ito inasahan. At talagang masaya po ako ngayon dahil sa kanila."
Ano ba ang gusto niyang tahakin sa showbiz?
Ayon kay Joaquin, "So, gusto ko talaga umarte. At inaabangan ko talaga yung mga projects.
"And I really, really want to work. I think now that you've known me as a person.
"Sa Loob ng Bahay, I think, after I got out, you guys got to know me who I am as Joaquin outside.
"And medyo hindi ako active sa social media. Kasi, ayun, parang hindi ko masyadong type yung social media.
"But, I do use it to interact with, you know, yung mga fans and to show my gratefulness for the support.
"Pero minsan tinatamad talaga akong mag-social media.
"So, gusto ko talaga mag-work. That's really what I'm in it for. I want to act.
"Social media isn't really my thing but acting is. Acting for sure is and I, I really love the art. So, yun yung aabangan nila."
Present sa thanksgiving party ni Joaquin ang kanyang ina na si Leysel Samson at amang si Neil Arce.
Read: Content creator Zeinab Harake says she is now a changed person
JOAQUIN HAPPY WITH THE RESULTS
Inusisa ng PEP.ph (Philippine Entertainment Portal) si Joaquin kung umasa ba siyang mas mataas ang placement niya sa Big Night ng PBB: Celebrity Collab Edition 2.0.
Hinirang siyang Kapamilya Third Big Placer.
Read: Caprice Cayetano, Lella Ford Big Winners of PBB Celeb Collab 2.0
Saad niya: "Well, of course, if I were to be honest with my feelings, you know, I wanted to go with it to win.
"But, of course, I did my best through what I could control, which is to reach yung Ultimate 8.
"And I saw the support and the love that I got from everybody, and I'm glad to say we didn't spend a single peso.
"So, sa Big Night, that says a lot. And I'm really grateful na I got there and the love is crazy.
"So that's all I could ask for. I'm really happy with that."
Ano ang masasabi niya na, diumano, may mga nagbuhos talaga ng pera para manalo ang kanilang mga "manok" sa kumpetisyon?
Komento ni Joaquin: "Well, ang masasabi ko po diyan, sacrifice po yun para sa akin.
"At madami akong natutunan sa Loob ng Bahay tungkol sa sacrifice. I'm sure alam niyo po.
"And to sacrifice is to give up a part of yourself for somebody else.
"But what I also learned is that, for the people you sacrificed for, it wouldn't feel like a sacrifice.
"If you're a mom sacrificing for a kid, a dad sacrificing for a kid, or for a loved one, hindi mo masasabi na I regret it, or it hurt, or it cost a lot, di ba?
"Which means that that person loved the person they sacrificed for, and the fact that a lot of people sacrificed for me means that people love me.
"To me, that's a crazy concept. Talagang hindi ako nakakapaniwala doon na so many people love me, and I'm just so grateful for everybody."
Read: Bahay ni Jose Rizal sa Germany, binili ni Rep. Leandro Leviste