Inamin ni Barbie Forteza na bagamat may kaunting pagsisisi, malaki pa rin ang pasasalamat niya sa defunct Kapuso fantasy series na Kara Mia.
Sa episode ng YouTube podcast na Ang Walang Kwentang Channel noong March 12, 2026, naging panauhin si Barbie kasama ang mga kapwa niya aktres na sina Cherry Pie Picache at Jodi Sta. Maria.
Dito ay napag-usapan ng tatlo ang kanilang mga karanasan sa pag-arte bilang mga aktres mula sa magkakaibang henerasyon.
Kabilang sa mga tanong sa kanila: "Ano yung mga projects na nagawa niyo na tingin niyo hindi nag-work in your favor pero maraming itinuro sa inyo?"
Naunang sumagot si Cherry Pie.
Aniya, "Ako, yung first film ko. Yung Kolehiyala [1990]."
Read: Cherry Pie at Edu, lumabas ulit dalawang taon matapos di magkita
Sumunod na sumagot si Jodi.
Saad niya: "Ako siguro, mayroon akong ginawang film ang title is Tar-San [1999].
"Yung Tar-San na to [kasama ko] si Redford White and Carding.
"Isa akong ano dun, lumaki ako sa jungle. Hindi ako si Baby Jane pero yung outfit ko parang taong gubat.
"Tapos kapag nagsasalita ako, yung parang taong barok.
"Ang na-realize ko diyan is that, when you accept a role, no matter how ridiculous a role may be, you always give it your one hundred percent.
"Kasi, di ba, sometimes mas nagmumukha kang ewan when you do things half-baked.
"But when you commit, when you give it your all, somehow nagwu-work siya. Madya-justify mo yung role mo.
"So, di ba, kung magmumukha ka lang ding tanga, galingan mo na."
Read: Jodi Sta. Maria celebrates engagement of ex-husband to Iwa Moto
Barbie opens up about doing Kara Mia
Tulad nina Cherry Pie at Jodi, may proyektong nagawa rin noon si Barbie na may kaunti raw siyang pagsisisi.
Ito raw ang teleseryeng Kara Mia.
Ang Kara Mia ay isang fantasy drama series ng GMA Network na ipinalabas noong 2019, na pinagbidahan nina Barbie at Mika dela Cruz.
Tampok sa kuwento ang magkapatid na may iisang katawan ngunit may dalawang mukha—si Kara sa harap at si Mia sa likod.
Read: Barbie Forteza, Mika dela Cruz proud of four-month run of Kara Mia
"Kara Mia po, yun na nga po. [Pero] it paid the bills!" natatawang pahayag ni Barbie.
Ikinuwento ng Kapuso actress na may mga pagkakataon kung saan maaaring sabihin daw noon ng manonood na para siyang ewan sa kanyang karakter, ngunit sa kabila nito ay ginawa pa rin niya ang lahat ng kanyang makakaya para mapalabas na ito'y makatotohanan.
Pagbabahagi ni Barbie: "May eksena ho kami, nasa footbridge kami. Nag-aaway kami, e, iisa lang po yung katawan.
"So ako, ako yung katawan, atras-abante akong ganyan.
"So to answer your question, sa bata kong ito, marami na po akong pinagsisisihan.
"But again, it paid the bills.
"Tsaka one hundred percent committed din ako doon, ha," dagdag pa ng Kapuso actress.
Read: Barbie Forteza, Mika dela Cruz, natutuwa sa Kara Mia memes ng netizens
Biro naman sa kanya ni Cherry Pie, "Parang sa dami ng roles [na nagawa] ko, parang wala pa ako nun, ha."
Hirit naman sa kanya ni Jodi, "Nananawagan po tayo."
Mabilis na pagtanggi ni Cherry Pie, "Ayoko!"
Samantala, bagamat may pagsisisi, marami naman daw natutunan si Barbie sa Kara Mia na hanggang ngayon ay baon-baon niya sa mga proyektong kanyang ginagawa.
Saad niya: "Ang natutunan ko po dun is yung physicality, kailangan mong i-internalize na dalawa yung utak niyo, and ako yung katawan.
"Patience, kapag yung shot ang likod, and the technicalities… Nakakatawa siya pero it’s part of the craft."