Ngayong 50 years old na ang singer-actress na si Vina Morales, naghahanap pa ba siya ng love life?
Nakangiting sabi ni Vina: "Natatawa ako. Na parang hanggang pangarap na lang.
"Wala namang special someone. But, you know, ginagawa kong joke ito, but, you know, honestly, of course, I wanted to settle down, you know, but I always believe in God's time.
"Masyado lang napapatagalan, Lord," ang pareklamo niyang biro.
Saka niya idinugtong na masaya siya sa estado ng kanyang love life.
"Hindi, ako naman, happy naman ako kasi, ako, honestly, with or without, I am okay."
Kuntento naman daw siya sa buhay niya, sa pagiging ina, at sa pagiging active pa rin ng kanyang showbiz career lalo na't sunud-sunod ang kanyang proyekto sa GMA.
Dagdag niya, "I am happy. Kuntento na naman ako, e. I think that's one reason na hindi ako parang walang... kulang yung buhay ko dahil wala akong love life.
"Hindi, hindi katulad noon na parang feeling ko, 'Oh my god, kailangan ko na magka-love life kasi parang kulang yung buhay ko.'
"Nayon, hindi. With or without love life, kumpleto. I feel complete. I have my daughter, I have my career, I have my work, I have my family, I have good health."
May longing ba?
Sagot niya: "Merong longing. Pero ayaw kong ipilit, di ba? So, ano lang ako, parang take it easy.
"Kasi ayaw ko nang ipilit kasi ako rin naman ang iiyak, e.
"Ilang beses na akong umiiyak dahil pinipilit ko isang bagay.
"Hindi naman ibig sabihin na I don't have anyone right now na serious, na wala ako, I go out.
"I mean, I still, you know, talk to guys, you know. I don't know if you call it a date, pero hindi steady date. But, you know, I entertain.
"So, para sa akin, ayaw ko lang ipilit na alam kong parang hindi, e, may kulang.
"Hindi, e, hindi kami swak. So wag ko na ipilit kasi iiyak din ako."
Kung may darating man, aniya, "Sobra-sobra na. I'd feel grateful. Parang sinabi ni Lord na, 'Okay, you are ready for it.' I am ready for it. And you're a better person na for that guy, for that person."
Ekslusibong nakausap ng PEP.ph (Philippine Entertainment Portal) si Vina sa media conference ng Born to Shine noong nakaraang March 16, 2026.
Mapapanood na sa GMA Afternoon Prime ang series simula ngayong araw, March 23, 2026, at eere mula Lunes hanggang Sabado.
Read: Suspect charged in killing of Miss PH Earth 2013 runner-up
VINA MORALES, FULFILLED AND READY FOR MARRIAGE
Tinanong din ng PEP si Vina tungkol sa pagpapakasal. Kung may darating na lalaki sa buhay niya at yayain siya, ano ang isasagot niya?
"Game," ang sagot niya sabay halakhak nang napakalutong.
"Oo naman. Oo, I'll be ready."
Bakit parang kuntentong-kuntento na siya sa buhay niya?
"You know, fulfilled ako. Because I'm always like grateful kung anong meron ako.
"Mabuti nga, you know, na okay when it comes to career, nabibigyan pa rin ako ng magagandang proyekto.
"Nagkakaroon ako ng ganito, na parte ng big projects. Nagkakaroon pa ako ng concerts abroad and here.
"Na minsan na parang, 'Uy, Lord, parang grabe naman yung blessing.'
"Nakapag-Broadway pa ako na hindi namin akalain na makakatuntong akong ng Broadway, New York.
"So hindi ko akalain na mangyayari yun, na parang sunud-sunod pa rin.
"And siguro, that's one thing kasi, if you are grateful and you are just thankful, more blessings ang dumadating sa iyo."
May nagagawa rin daw ang attitude sa trabaho at sa mga taong nakakasalamuha.
Sa pagpapatuloy ng singer-actress: "And I guess, yung paaano ka rin makisama sa mga tao, and how, how thankful you are.
"At kung may maganda naman yung pakikitungo mo, I think, mabibigyan at mabibigyan ka rin talaga ng projects, e.
"And kailangan mo lang galingan. Oo, di ba? So, I, I always make sure naman that I always give my 100% pagdating sa trabaho."
Samantala, masayang ibinalita ni Vina na magbubukas ang Ystilo Salon ng bagong branch sa Muntinlupa.
"Ystilo is doing good. Meron kaming... mag-o-open kami ng another branch sa Muntinlupa area. So this will be this year."
Mapapanood ang full interview ni Vina sa Real Talk ng PEP.ph YouTube Channel sa darating na April 2026.
Dito ay babalikan niya ang kanyang pinagmulan at ang kalungkutang naramdaman sa nangyaring lindol sa Cebu, kung saan ang ilan sa nai-donate niyang istruktura doon ay nasira.
Read: Vina Morales grateful to GMA for giving her another show