Viral na usap-usapan online ang biglaang paghalik ni Francine Diaz sa pisngi ng ka-loveteam niyang si Seth Fedelin habang sila ay rumarampa sa Bench Fashion Week Spring and Summer 2026 noong April 19.
Sa mga video na kumakalat ngayon sa social media, makikitang naunang naglakad sa stage si Seth, na sinundan naman ni Francine.
Kelvin Miranda rumampa pa rin kahit nagluluksa sa pagpanaw ng ama
Nagtagpo ang dalawa sa gitna ng runway at sabay naglakad habang magkahawak-kamay.
Nang mag-pose na ang dalawa, nag-flying kiss si Francine, habang si Seth ay inilapit ang kanyang mukha sa dalaga na tila akmang hahalikan niya.
Walang kaabog-abog, hinalikan ni Francine si Seth sa pisngi.
Kapansin-pansin sa mukha at reaksiyon ni Seth ang pagkagulat sa ginawa ni Francine.
Habang pabalik sa backstage, makikita ang pagngisi ni Seth habang hawak ang kanyang pisnging hinalikan ni Francine.
Kinilig ang maraming netizens, lalo na ang fans ng FranSeth, sa nasabing tagpo.
Read: Seth Fedelin "sobrang happy" about love team with Francine Diaz
FRANCINE EXPLAINS VIRAL KISS WITH SETH
Sa media conference ng upcoming romcom-drama film nilang She Who Must Not Be Named nitong Martes, April 22, natanong si Francine tungkol sa biglaan niyang paghalik kay Seth.
Ayon kay Francine, kinakabahan si Seth sa paglakad at pagrampa kaya naisip niyang halikan ito sa pisngi para pagaanin ang loob nito.
Sabi ng Kapamilya actress: "Actually, he kept asking me kasi backstage, parang sila Direk kasi, parang they were telling us na parang, 'Alam niyo na ang gagawin niyo. Bahala na kayo.'
"Tapos [kami], sobrang kaba namin. Kasi kinakabahana ako, mas kinakabahan siya.
"So, parang tinatanong niya ako na parang, 'Anong pwede nating gawin? Iikot ka ba, or anong pose natin?'
"Tapos sabi niya, 'Sige, ikaw na lang bahala.'
"And I know kasi na sobra yung kaba niya, and he wasn't feeling really, really good there.
"Parang, nako-conscious siya sa hitsura niya.
"So it's also my way of parang saying, 'No, you look good. You're doing great, and thank you for everything.'"
Seth Describes Francine’s Viral Kiss as “Unexpected”
Samantala, sinabi ni Seth na hindi niya inaasahan ang naging halik ni Francine.
Ayon sa kanya, ang intenisyon niya ay magbiro lamang nang ilapit niya ang kanyang mukha sa dalaga.
Read: Francine Diaz recalls days when "walang gatas bunso namin"
Pahayag niya, "Kung nakita niyo po doon, parang gumanon ako sa kanya to tease lang, hindi ko naman intensiyon na i-kiss siya talaga.
"Pero paglingon ko, may kiss pala. Buti na lang inilag ko yung lips ko, baka syempre baka tumama."
Hirit na tanong sa kanya, "So, hindi tumama yung lips?"
Mabilis niyang sagot: "Wala. Cheeks lang yun. Hindi ko po talaga inaasahan.
"Tsaka alam po natin na hindi kami ganon madalas na nakikita niyo na kini-kiss po ganun.
"So, para sa akin, bagong experience yon, nawala ako sa character ko doon. Kaya ko gumanon [humawak sa pisngi ko]."
Bagamat nakaramdam ng tuwa si Seth, hindi raw nawaglit sa kanyang isipan ang pag-aalala sa sasabihin ng mga magulang si Francine.
Sabi niya, "Siyempre inisip ko si Tita. Pero okay naman, natuwa naman sila, and yung mga ate ni Francine."
Read: Francine Diaz appreciates Seth Fedelin's respect for her parents
Kasunod nito, ibinuking ni Francine ang reaksiyon ni Seth nang pabalik na sila backstage.
Saad niya, "Nakakatawa nga, noong naglalakad na kami pabalik sa backstage, sabi niya, "Damn, you kissed me?"
Dugtong ni Seth, "Oo, may mga nasa backstage nun, mga artist din, tapos nung pabalik na kami, sabi ko sa kanila, 'Nakita niyo yon, kiniss ako ni Francine. Totoo ba yon, kiniss niya ako?'
"After din nung walk naman, tinanong ko rin kung okay ba yung reaksiyon ko don. Kasi ayoko namang ma-take na sobrang awkward sa akin yon.
"Siyempre, i-kiss ba naman ni Francine, sino bang may ayaw, di ba?"
Sundot na tanong kay Seth, "So, ayun yung first kiss?"
Sagot niya, "Yes. First kiss off cam."
Sabi ni Seth nang matanong ang relasyon nila ni Francine sa mediacon, "Kung ano real score namin, sa amin na lang yun muna.
"Pero kung ano man kami, malayo na sa dati. Between the two of us muna."