Nagbigay ng reaksiyon ang aktor na si Ian Veneracion kaugnay ng napapabalitang nalalapit na pagpapakasal ng kanyang former leading lady na si Bea Alonzo.
Naging onscreen partners sina Bea at Ian sa ABS-CBN primetime series na A Love To Last (2017). Dito rin nabuo ang kanilang magandang pagkakaibigan.
Noong 2021, ininterbyu ni Bea si Ian sa kanyang YouTube channel. Dito ay pinag-usapan ang personal matters, kabilang na ang usaping puso, indikasyong nasa personal level ang kanilang pagkakaibigan.
Read: Bea Alonzo wedding banns with Vincent Co announced at a church
IAN’S REACTION AND LOVE ADVICE FOR BEA
Sa panayam ng PEP (Philippine Entertainment Portal) kay Ian, kinunan namin siya ng reaksiyon sa napaulat na pagpapakasal ni Bea sa businessman na si Vincent Co sa darating na Mayo.
Bakas sa mukha ni Ian ang kasiyahan nang banggitin ang tungkol sa pagpapakasal ni Bea.
Inamin ni Ian na nabasa niya ang tungkol dito.
“I’m so happy for her. Super, super happy for her,” nakangiting sagot ni Ian sa launching ng kanyang extended play o EP noong April 7, 2026.
Pagbabahagi pa ni Ian, nagkataong bago niya iyon nabasa ay nag-krus pa muna ang landas nila ni Bea.
Lahad niya: “In fact, before that came out, I saw her in one event, very recently… and, ayun nga, sabi ko sa kanya, ‘Dami mong utang na kuwento sa akin.’
“Sabi niya, ‘I know, I know. Let’s catch up, blah, blah, blah…’
“’Tapos nung nakita ko yung news na parang ikakasal sila, wow!”
Sabi ni Ian ukol dito, “I know she wants that and she deserves all the happiness, because ang tagal na niyang hinahanap sa puso niya to connect with someone na talagang ganun yung connection.”
Hangad ni Ian ukol sa love life ni Bea: “I hope this is it.
"I’m glad she finally found someone to have that deep of a connection to want to spend the rest of her life with this person. Galing!”
Ano naman ang love advice niya sa dating leading lady?
Sagot ni Ian, "It’s the most beautiful thing, but it’s also one of the hardest things…
“It’s a hard endeavor, maintaining relationships, especially with someone that close… iba yung upbringing sa inyo, iba yung nagpalaki sa inyo, ang hirap nun,” diin ng aktor.
“Kahit sa magkapatid nga, e, lumaki kayo sa isang bahay, parehong magulang, parehong lahat, parehong school, pero nag-aaway pa rin.
“Imagine from different backgrounds, from different families, so it’s hard work.”
Pero kabig ni Ian, “But it’s super rewarding, especially when the kids come. Ayun, talagang boogsh! Wala na, iba na,” sabi ni Ian na father of three.
Read: Mister Pampanga candidate RJ Perkins reacts to body-shaming