Tuloy ba o hindi ang kasal ng A-list actress na si Bea Alonzo at ang billionaire scion na si Vincent Co?
Ito ngayon ang katanungan ng publiko matapos sumambulat ang isang blind item na hindi na raw matutuloy ang engrandeng kasal ng dalawang high-profile personalities na gaganapin dapat sa Spain.
Ayon sa ulat, ang dahilan umano ay ayaw pirmahan ng babae ang prenup agreement.
Marami ang naghihinalang ang tinutukoy sa kumalat na blind item ay sina Bea at Vincent dahil sila ang mga kilalalang personalidad na napapaulat ang kasalan sa Spain ngayong kalagitnaan ng Mayo.
Kaugnay nito ay nagsaliksik ang PEP.ph (Philippine Entertainment Portal) sa katotohanan sa likod ng usap-usapang ito.
Read: WHAT PEP KNOWS: Bea Alonzo and Vincent Co's wedding date
WHY THE WEDDING GOT CALLED OFF
Dahil mga prominenteng pangalan ang pinag-uusapan, inasahan na naming maingat sa pagbibigay ng impormasyon ang mga taong makakausap ng PEP.
Sa katunayan, walang iisang source ang nakapagsabi ng kabuuan ng kuwento.
Ngunit ayon sa sources ng PEP mula sa mundo ng showbiz, business, at fashion, totoo ngang natigil ang dati-rati'y tuloy-tuloy na paggulong ng malaking kasalan.
Ngunit nakatanggap ng abiso ang mga panauhing una nang naimbitahan na humihingi ng paumanhin o dispensa sa abalang naidulot ng mga pagbabago sa kasal.
Sa katunayan, makailang beses nang "on and off" ang pagpapakasal nina Bea at Vincent.
At sa kasalukuyan, wala pa ring linaw kung ito ay "on or off."
Marami sa nakausap na sources ang nagsasabing ang isyu ng prenuptial agreement—o prenup, na isang legal na kasulatang nagtatalaga ng mga kondisyon para sa pagsasama ng ikakasal—ang malaking sanhi ng urong-sulong na kasal.
Dahil mula sa isang kilala at mayamang Filipino-Chinese family si Vincent, hindi kataka-takang humingi ang kanyang partido ng isang prenup agreement.
Karaniwan itong ginagawa hindi lamang ng Filipino-Chinese families kundi ng mga pamilyang malaki ang mga ari-arian.
Ngunit maliban sa sinasabing prenup, may iba pa raw na dahilan kung bakit nagkakaroon ng pagdadalawang-isip sa kasalan.
Ayon sa ilang insider, mas matutuwa ang konserbatibong pamilya ng lalaki kung hindi naging showbiz personality ang mapapangasawa ng kanilang nag-iisang anak na lalaking tagapagmana.
Ang showbiz ay kilalang nakakatawag-pansin ng celebrity reporting, isang bagay na hindi inaasam ng isang pamilyang tutok sa business.
Liban dito, marahil daw ay nag-iisip din ang partido ng lalaki sa magiging anak ng dalawa. Kung matutuloy ang kasalan nitong Mayo 2026, si Bea ay 38 na taong gulang at si Vincent ay 45.
THE LATEST NEWS ABOUT THE WEDDING OF THE YEAR
Ayon sa pinakahuling impormasyon na natanggap ng PEP, hindi pa rin malinaw kung ano ang magiging desisyon nina Bea at Vincent sa isang kasalang nagpaghandaan na ng mga ninong at ninang at mga panauhing lilipad sa Espanya.
Masayang balita sana ito lalo pa't marami ang nagsasabing nakikita nilang tunay na nagmamahalan sina Bea at Vincent.
Hangad ng marami na magkaroon ng hindi lang isang masayang wedding day kundi isang lasting marriage ang low-key but happy couple na ito.
Read: Vico Sotto wins $1M grant at Bloomberg's Mayors Challenge