Kasunod ng pagbabalik niya sa Pilipinas, balik na rin ang aktres na si Bela Padilla sa kanyang trabaho sa showbiz.
"Okay naman. I’ve been very busy since I got back. So ngayon, busy sa taping," sabi ni Bela nang kumustahin siya ng entertainment press.
Nanibago ba siya matapos ang ilang taong paninirahan sa London?
Sagot niya, "Oo, nanibago ako noong una. Pero ngayon, medyo ilang buwan na kaming nagte-taping so ano na, I'm back sa regular rhythm."
Bahagi ngayon si Bela ng teleseryeng Blood vs. Duty.
BELA PADILLA'S LOVE FOR MOVIES
Nitong nakaraang Mother's Day, inalala ni Bela ang kanyang kabataan kasama ang kanyang ina.
Saad niya: "I would say, ako, my love for movies was definitely from my mom. We had, like, a whole wall of VHS tapes.
"In fact, my new name pa is Krista Elyse [Krista Elyse Hidalgo Sullivan].
"So my second name Elyse is from Somewhere in Time. Yung character ni Jane Seymour is Elise McKenna."
Ang Somehwere in Time ay ang 1980 romantic fantasy drama film na pinagbidahan nina Jane, Christopher Reeve, at Christoper Plummer.
Pagpapatuloy ni Bela: "So I was named after her because that was my mom's favorite movie.
"And I grew up watching so many Disney films. So, my dad also is a big fan of the movies. My granddad din.
"Noong nag-start ako ng workshop sa ABS, my granddad had a stroke.
"So, pag hapon, after ang workshops, I would go to his house and we would watch TV, Disney films.
"So I had a big variety of, parang different kind of movies, different kinds of films growing up.
"So, yun siguro yung ano, yung best memories for me, especially with my mom.
"Kahit after classes dati, a big treat was... I studied in CSA [Collegio San Agustin-Makati], tatawid kami ng Glorietta to watch a film once a week, at least once a week."
Nakausap ng PEP.ph (Philippine Entertainment Portal) si Bela sa Nivea HoHo Tour sa Festival Mall, Alabang, Muntinlupa kamakailan.
Kasama niya ang ilan pang ambassadors o NIVEA Circle of Trust sina Enchong Dee, Francine Diaz, at Brent Manalo.
Read: AJ Raval finally opens up about heartbreaking loss of son Aaron
BELA PADILLA: "my mom was a big influence."
Unang sumabak si Bela sa pagsusulat ng screenplay sa pelikula noong 2017 via Luck At First Sight and Last Night.
Siya rin ang nagsulat ng Apple of My Eye noong 2019, 366 noong 2022, at Yung Libro Sa Napanood Ko last 2023 na siya rin ang nagdirek.
Ang kanyang ina ba ang maituturing niyang big influence kaya siya naging movie writer at director?
Sagot ni Bela: "Biggest influence? I would say... I'd still say my mom was a big influence.
"Her love for books also rubbed off on me. I feel like I wouldn't be a writer today if I didn't like reading first.
"Also, I felt like there was a gap in the industry for what I wanted to watch.
"And maybe because I wasn't being offered the roles I wanted to play, parang sometimes, di ba, invention comes out of necessity.
"So, I started inventing characters that I wanted to play. So, parang doon lang naman nag-umpisa yun, e.
"E, gusto kong mag-play ng certain characters that no one was offering me, so I started writing."
Sa ngayon, meron ba siyang dream project na gusto niyang idirek? Yung parang panlaban sa film festivals abroad?
"Naku, sana one day, mag-ano ka na, magdilang-anghel ka po, sana po.
"Meron akong gustong gawin na ganoon, but may hinihintay akong tamang timing po.
"Parang hindi pa siya ngayon. May hinintay akong matapos," sabi ni Bela.
Read: Ron Angeles admits video scandal helped boost his career