Kuwinestiyon ng isang netizen si Bela Padilla dahil bukas daw ito sa pagbatikos kay Senator Ronald "Bato" dela Rosa sa kinakaharap nitong warrant of arrest na inilabas ng International Criminal Court (ICC).
Read: Agot Isidro slams 13 senators who voted for Alan Peter Cayetano
Pero, bakit hindi raw mapuna ng aktres ang kanyang "incompetent" na tiyuhing si Senator Robin Padilla.
Ang maternal grandmother ng aktres ay kapatid ni Eva Cariño-Padilla, ina ni Robin.
Inakusahan pa siya ng netizen na kinaray niya si Robin para maging bahagi ng ABS-CBN primetime series na Blood vs. Duty.
Buong komento ng netizen: "yay for you speaking up about bato’s case pero why r u silent about your incompetent tito na sinama mo pa sa project mo."
Sumagot ang aktres sa X ngayong Huwebes, May 14, 2026.
Paliwanag ni Bela, wala siyang kinalaman sa pagsali ni Robin sa Blood vs Duty.
Noon pang December 2025 nang maging bahagi siya ng serye, habang ang actor-politician ay nito lang April 2026 dinagdag sa cast.
Diin ni Bela, wala siyang kakayahan na magdagdag o magpatanggal ng tao sa isang TV project.
Buong mensahe ni Bela, "Sorry, but, what? I’m also assigned projects too. I was cast in this project in December. My uncle was added on recently.
"I have no power whatsoever in casting decisions. Hindi nga ako ang pinakamalaking muka sa poster I don’t see anyone else from the cast being asked here."
Dagdag pa ni Bela: "Has he added me in any of his films/shows previously? Get your facts straight. We work and are managed separately."
Read: Ruffa Gutierrez closes chapter with Herbert Bautista
BELA PADILLA ON ROBIN PADILLA BEING INCLUDED IN THE CAST
Kasunod nito ay nagbigay din ng mahabang mensahe si Bela para ipaliwanag na hindi dahil magkamag-anak sila ni Robin ay nangangahulugang iisa ang posisyon nila sa mga usaping pulitika.
Hindi kaila sa publiko na magkaalyado sina Robin at Bato dela Rosa sa Senado.
Malaking usapin ngayon sa bansa ang pagpalit ng liderato sa Senado, ang impeachment case laban kay Vice President Sara Duterte, at ang warrant of arrest ng ICC laban kay dela Rosa.
Kaya hindi maiwasang maging palaisipan sa netizens kung paano ang dynamics nina Robin at Bela kung may mga paniniwala silang di tugma sa isa't isa.
Read: Robin and Kiko clash during heated Senate exchange
Ayon kay Bela, "Because of recent events, and since I’m being asked daily, I wish to express my thoughts on the issue surrounding the casting of my uncle in Blood vs Duty, and the current situation hounding the Senate.
"Growing up, my tito Robin was kind to me and my family. I will be forever grateful for this."
Habang yumayabong aniya ang kanilang mga karera, nag-iba sila ng direksiyon, lalo nang pumasok si Robin sa pulitika.
Mula noon, bihira na lamang silang magkasama sa mga okasyon.
"But as our careers flourished and took different directions, with him entering politics, our personal encounters have become scarcer.
"Our ideologies also differed. I do not live close to my uncle."
Lumipas aniya ang tatlong taon at nitong nakarang linggo lamang sila muling nagkita dahil nagkataong pareho sila ng call time sa set ng Blood vs Duty.
Ang pagkadagdag ni Robin sa show ay hindi daw dahil sa kanyang impluwensiya.
Desisyon daw ito ng produksiyon at producers ng serye.
"My uncle being cast in the show was neither because of my influence nor my being part of the cast. I was cast in December. He is a recent addition to the show.
"This decision is purely the prerogative of the executive and supervising producers of the show. My uncle’s political affiliation has nothing to do with my personal beliefs and convictions."
Paglilinaw pa niya, magkamag-anak man daw sila, pero may sarili raw siyang paninindigan.
Pagtatapos niya, "We are related but we manage to agree to disagree. I remain grateful to his kindness, but I also maintain an independent and personal sense of being in charge of my career, choices and convictions."
Read: Bela Padilla reveals her mom inspired her love for films, writing