Pumalag ang beauty queen na si Imelda Schweighart sa tawag sa kanyang "palengkera" ng ilang bashers.
Sa kanyang Facebook kagabi, June 2, 2026, ibinahagi ni Imelda ang saloobin sa mga taong tila minamaliit daw siya.
Tinuligsa rin niya ang aniya'y mapangmatang pag-uugali ng mga ito sa termino pa lang na "palengke."
Buwelta ni Imelda: "Palengkera daw ako sabi ng bashers. Eh ano ngayon? Huwag ka dadaan ng palengke ah mapang mata kayo.
"Kala mo di nabili nanay nila sa palengke. Hui, hindi porke nakakakita ka ng matataas na building iho, mayaman ka na, baka mas mayaman pa sayo mga nagtitinda sa palengke.
"Nag crave pa naman ako ng ginamos at saba na nilaga na ibang iba ang lasa kesa sa nabili sa grocery."
Sabi pa niya sa comments section, huwag maliitin ang mga nagtitinda sa palengke dahil baka mas mayaman pa ang mga ito sa bashers.
"You are looking down on palengke from your leased office space, but the person selling the fish could probably buy your whole lifestyle," komento ni Imelda.
Komento naman ng isang follower: "Love this mindset! Walang maliit na trabaho at walang nakakahiya sa pagiging praktikal."
Sagot ni Imelda: "masyado na mga tao nasisilaw sa mga bagay na hindi naman nakakapagpasaya."
Sabi pa ng isa: "Wag muna silang pansinin ate Imelda Schweighart. Mga papansin lang mga yan wala naman napapatunayan"
Tugon ng Miss Philippines Earth 2016: "hindi muna unahin tumingin sa salamin"
Read: Legendary American singer Peabo Bryson dies at 75
IMELDA'S DELETED POST ABOUT EXPENSES AT mgi ALL STARS
Kaugnay ng mainit na usapin tungkol sa gastos sa katatapos lamang na Miss Grand International (MGI) All Stars, naglapag din si Imelda sa social media kahapon ng diumano'y nagastos niya sa pageant.
Isa si Imelda sa limang kandidata ng Pilipinas na sumali sa inaugural edition ng MGI All Stars.
Ang iba pa ay sina Gazini Ganados, Fuschia Anne Ravena, Alexia Nuñez, at Keylyn Trajano.
Ayon sa post, na kaagad din niyang binura, gumastos daw siya ng PHP3.5 million sa pageant.
Pero nang nalaman niyang may nagbuhos ng lampas PHP12 million, hindi raw niya naramdamang natalo siya sa gastos.
Sabi sa deleted post ni Imelda: "Kala ko 3.5 million was enough after seeing may nag bagsak ng 12 million I dont feel so much of the loss.
"But it is indeed a 'beauty gamble' and I gambled. The more you get to the next level the more pa ang lapagan, nag hands up na ako. Settled na ako sabi ko. Tama na yun.."
Ang tinutukoy ni Imelda na gumastos ng malaki ay si Miss Vietnam Huong Giang, na hinirang na second runner-up sa first edition ng MGI All Stars.
Read: Nawat Itsaragrisil reposts Huong Giang's alleged voting costs