Maraming beauty pageant fans ang na-excite sa video introduction ni Imelda Schweighart sa Miss Grand International All Stars First Edition.
Noong Sabado, April 25, 2026, inilabas ng Miss Grand International sa social media sites nito ang video introductions ng ilang kandidata sa first edition ng pageant.
Kumpirmadong 58 stars mula sa 38 countries ang kalahok sa kauna-unahang MGI All Stars.
Lima ang kandidata mula sa Pilipinas: sina Imelda Schweighart, Gazini Ganados, Fuschia Anne Ravena, Alexia Nuñez, at Keylyn Trajano.
Sa May 30 gaganapin ang finals sng MGI All Stars sa Thailand.
Read: Imelda makakatapat sina Gazini, Fuschia, Keylyn sa MGI All Stars
IMELDA Schweighart reacts to comments
Kabilang sa inilabas ang introduction video ni Imelda Schweighart.
Maraming Pinoy fans ang nagkomento sa video niya.
Sabi ng isa, "Bakit parang kaboses nya yung nanalo yung nag crown kay emma tiglao at kamukha nya rin."
Ang tinutukoy ng netizen ay si Miss Grand International 2024 CJ Opiaza, na nagkorona kay Emma Tiglao bilang Miss Grand International 2025.
Sagot ni Imelda, "so honored"
Komento ng isa pang netizen, "MGI is on a whole different level in beauty pageants."
Tugon ni Imelda, "I agree. The one and only 1"
Papuri ng isa kay Imelda, "Siya pinakamalakas na pambato natin .. talakan pa lang palaban na!! Mgi talaga siya"
Tugon ng beauty queen, "so humbled. Thank you"
Sa kabilang banda, may ilang hindi kagandahang komento rin ang sinagot ni Imelda.
Ayon sa isang netizen, na-kickout umano si Imelda sa Miss Universe Philippines 2026 dahil nahuli itong binu-bully ang ibang mga kandidata.
Buong komento ng netizen: "Nahhh. You were just kicked out by MUPH for getting caught red handed bullying other contestants. I'm surprised they accepted someone like you in the competition. Nuf said..."
Pinabulaanan ito ni Imelda.
Aniya: "Fake news. Let's use our energy for something better. Have a good day."
Pasaring naman ng isa, "Sya ba yung ggss na sobrang entitled?"
Buwelta ni Imelda, "imbento to ng kwento."
Read: Joaquin Arce posts “proof of life” of stepmom Angel Locsin
DID IMELDA TAKE A SWIPE AT MUPH?
Sa video introduction ni Imelda para sa MGI-All Stars, sinabi ni Imelda na may sasalihan sana siyang ibang pageant pero hindi niya itinuloy ngayong taon.
Ito ay dahil nakita raw niya ang tungkol sa Miss Grand International All Stars.
Bahagi ng pahayag ni Imelda: "But no matter where life took me, I've always been a pageant girl at heart.
"I even stepped into a pageant this year, but I chose to walk away early because when I saw Miss Grand All Stars, I felt it instantly this is where I belong."
Ang Miss Universe Philippines ba ang pinapasaringan ni Imelda na nilayasan niyang pageant?
Ito ang usap-usapan ng ibang netizens na nakapanood ng video.
Hindi nakasama ang pangalan ni Imelda sa mga kandidata ng Miss Universe Philippines 2026 kunsaan kinatawan sana niya ang Kalibo, Aklan.
Hindi tinukoy ng opisyal na pahayag na inilabas ng Miss Universe Philippines Organization (MUPO) noong Marso 28, 2026 kung si Imelda nga ba ang itinawalag na kandidata.
Bahagi ng pahayag ng MUPO: "Following concerns that were brought to our attention, the organization undertook a careful and thorough review of the matter.
"The delegate was given both verbal and written guidance to help address the situation.
"Despite these efforts, certain behaviors continued in ways that were not aligned with the standards we aim to uphold.
“As such, it has been decided that the delegate will no longer be allowed to continue in the competition."
Kalaunan, natukoy ng netizens na si Imelda nga ang tinutukoy ng MUPO.
Read: Did Imelda Schweighart take a swipe at MUPH in MGI intro video?