Umaapela si Myrtle Sarrosa na ibalik ang cellphone niyang nawala sa isang event kung saan imbitado siya bilang special guest.
Willing ang Kapuso actress at influencer na magbigay ng PHP30,000 sa taong magbabalik ng kanyang telepono.
Ayon sa kanyang Facebook post kagabi, June 13, 2026, nawala raw ang cellphone habang nagko-cosplay siya sa ToyCon, o ang The Philippine Toys, Hobbies and Collectibles Convention, na ginanap sa SMX Convention Center sa Pasay City.
Read:
Kenneth Marcelino defends Kenneth Cabungcal's open letter: "Na-overshoot lang ni Al."
Marian Rivera's viral Q&A with Jether Palomo resurfaces online
MYRTLE SARROSA'S REWARD
Hindi sigurado ang female celebrity kung paano nawaglit ang cellphone.
Pero wala raw siyang sama ng loob sa taong nakakuha nito basta isoli lang sa kanya.
“Hindi po ako galit. Honestly, I completely understand that people go through different circumstances in life.
"From the bottom of my heart, wala po akong galit o sama ng loob,” saad ng Pinoy Big Brother: Teen Edition 4 winner.
Pinabulaanan ni Myrtle na gusto niyang maibalik ang cellphone dahil may indecent content dito.
Importante raw ang mga files at contacts na naka-save sa kanyang phone. Kailangan niya ang mga ito sa kanyang trabaho bilang influencer.
“Ang worry ko po talaga are my work files, cosplay footage, gameplay recordings, business contacts, important messages, and years of memories.
"Including yung recent behind the scenes vid nung nakilala ko cast ng One Piece huhu,” pahayag ng 31-year-old celebrity.
MYRTLE SARROSA'S POST IN FULL
Narito ang buong post ni Myrtle sa kanyang Facebook account. At press time, may 28,000 reactions ito, 2,200 comments, at 1,600 shares.
Narito naman ang additional comment niya sa parehong post: “And just because I've seen some comments already~ wala po akong anything indecent sa phone na iyon. I would never compromise my faith, values, and principles.
“Ang worry ko po talaga are my work files, cosplay footage, gameplay recordings, business contacts, important messages, and years of memories. Including yung recent behind the scenes vid nung nakilala ko cast ng One Piece huhu.
“If you're a content creator or if you run a business na related to digital, maiintindihan ninyo.
"A phone isn't just a phone anymore~it's your office, camera, notebook and workspace all in one."
Mukha namang may lead na siya sa kinaroroonan ng phone, sa comments section, aniya: “We have information and will give an update soon…”
Marami namang netizens ang nagbigay ng advice kung paano mata-track ang kanyang device.
May naghikayat din: "Let's spread the word and help Myrtle get her phone back!"