Lumitaw ang video clip ng pagtatanong ni Marian Rivera kay Jether Palomo nang sumali at manalo ang 6'3" model sa Century Tuna Superbods noong Hulyo 2024.
Dahil ito sa "halfies" controversy na kinasasangkutan nila ni Mister Supranational Philippines 2024 Brandon Espiritu.
Sa public statement na inilabas ni Jether noong Huwebes, Hunyo 11, 2026, bahagi ng paumanhin niya ay: "I am a full Filipino who was born in the United States. I am proud of where I was born, but I am equally proud of my Filipino heritage.”
Read: Brandon and Jether face backlash over "halfies" remark
The Viral Q&A moment with Marian Rivera
Sa pagtatanong naman ni Marian, isang hurado sa popular na health and fitness ambassador search, ginamit niya ang wikang Filipino.
Sabi niya kay Jether: "Dumami ang followers mo sa social media nung naging finalist ka. Paano mo gagamitin ang opportunity na ito kahit natapos na ang competition na ito?”
Dahil lumaki sa U.S, hindi naintindihan ni Jether ang tanong ni Marian kaya hiniling niyang: "Can I get English, please?”
Hindi nagpasindak si Marian kay Jether. Inulit niya ang tanong sa wikang Ingles.
“I will try my best. Are you ready for this? Listen very carefully, here’s my question. Your social media following grew when you become a finalist. How would you use this opportunity even after your Superbods journey. I think you understand that?”
Ginagamit ngayon ang video clip sa panlilibak kay Jether na nagsabing "full Filipino” siya, pero hindi niya naunawaan ang tanong sa kanya ng aktres.
Nung unang nag-viral ito, marami ang natuwa kay Marian, na aminadong mas kumportable sa pagsasalita ng Filipino at Spanish.
Pero ngayon, pinupuna nila si Jether at pinaratangang inilagay pa nito si Marian sa alanganing sitwasyon.
Kabaligtaran din ang nagyayari sa kanyang social-media following: Malaki raw ang bilang ng nabawas mula nang umingay ang "halfies" controversy.
Noong 2024, nasa 245,000 ang followers niya sa Instagram, pero, as of June 14, 2026, nasa 214,000.
Bagamat nananatili sa popular search ang kanyang pangalan, patuloy na kumakalat ang mga batikos sa kanya.
Sakto pa na ang kanyang controversial post na, "I pledge allegiance to the flag [US] flag," ay sumabog two days before June 12, ang Independence Day ng Pilipinas.
Samantala, bukod sa Century Tuna Superbods 2024, nanalo rin si Jether sa Mister Pilipinas Global 2025, Mister Tourism World Philippines, at Mister Tourism World 2023 – 1st Runner-Up.
Read: Queenie Pacquiao set to study at prominent Chicago university