Tanggap ng pamilya ni John Estrada si Daniel Padilla.
Malinaw rin sa mga salita ni John na pabor siya sa sikat na Kapamilya actor na napapabalitang boyfriend ng anak niyang si Kaila Estrada.
Si Kaila ay isa sa apat na anak ni John sa ex-wife na si Janice de Belen.
Natanong ng ilang reporters si John ukol kay Daniel sa opening ng Feta Mediterranean Restaurant sa Newport World Resorts, Pasay City, noong Lunes, June 15, 2026.
Bago ito, nag-post si John sa social media ng ilang larawang kuha sa kanyang 53rd birthday celebration noong Linggo, June 14.
Sa isang larawan, kasama ng aktor ang kanyang mga anak at ang mga karelasyon nito. Kasama sa larawan si Daniel.
Nakunan pa ng video na kinamayan ni Daniel si John para batiin sa kanyang kaarawan.
Malinaw na indikasyon itong welcome si Daniel sa pamilya ni John.
Read: Daniel Padilla spotted at John Estrada's birthday party
JOHN ESTRADA ON DANIEL PADILLA
Balik sa interview, kinunan ng reaksiyon si John kaugnay ng romantic involvement ng anak niya kay Daniel.
“Ako, as long as my daughter is happy, I’m gonna be happy for her,” sagot ng seasoned actor.
Puring-puri rin ni John si Daniel.
Sabi niya, “And to be honest, dati ko pang kilala si DJ [palayaw ni Daniel].
“Si Daniel Padilla, he’s a very good kid… ang bait na tao, humble, marespeto, wala akong masasabi…”
Boto ba siya kay Daniel?
“I mean, why not? Mabait na tao si Daniel,” tugon ni John.
Inusisa rin si John kung bakit boto siya kay Daniel.
Aniya: “For me, it’s all about the personality and the heart of a person.
“And you know, I saw DJ from how he started up to now… mabait na tao, na bata...
“If he has something with my daughter, it’s up to them.
"I wish them well. I wish them happiness.”
Read: Alma Moreno moved to tears by Home Along Da Riles: Da Reunion
JOHN'S LOVE ADVICE FOR HIS KIDS
Pagdating naman sa relasyon, nais daw ipayo ni John sa kanyang mga anak: “Ako, sa ngayon, you might believe me, might not, but importante yung godly person talaga.
“May takot sa Diyos, may respeto sa pamilya niya, lalo na sa mga magulang niya. And that’s it, yun lang.
“At siyempre, yung talagang magpapasaya sa kanila.”
Ano naman ang love advice niya para sa mga anak?
“Basta kung saan kayo masaya at nagpapasaya sa iyo araw-araw, okay na ako dun,” sabi ni John.