Nagbabala ang Philippine-based British tech millionaire-philanthropist na si Jonathan Sterling laban sa mga nagpapakalat ng maling balita laban sa kanila ng partner niyang si Celeste Cortesi.
Sa kanyang Instagram Story kahapon, July 9, 2026, nagbahagi si Jonathan ng larawan ng isang pahina ng joint complaint-affidavit na isinumite nila ni Celeste.
Mababasa rito: "We are executing this Joint Complaint-Affidavit, on our own behalf to attest to the truth of the foregoing and in support of the filing of anpropriate criminal charges against [redacted name of respondent].
"We reserve our right to add to, supplement, and/or expound on, the narrative set forth in this Joint Complaint-Affidavit, at the appropriate time and before the appropriate court or tribunal.
"WE SAY NOTHING FURTHER."
Nakalagay sa affiant ang pangalan ni Jonathan at full name ni Celeste na Silvia Celeste R. Cortesi.
Caption ni Jonathan sa kanyang post, "Keep my wife's name out your mouth."
Kapansin-pansing "wife" na ang tawag ni Jonathan kay Celeste, na kasalukuyang nagdadalantao sa kanilang panganay na anak.
Read: Winnie Cordero opens up about husband's death, life after loss
JONATHAN STERLING: "MORE CASES TO FOLLOW."
Mapapansin din sa post ni Jonathan ang patung-patong na folders kung saan may mga nakaipit na bond paper.
Tila ang nilalaman nito ay mga affidavit bilang pahiwatig na may mga karagdagan pa silang ihahaing reklamo sa korte.
Sa ngayon daw, nakatatanggap na sila ng paumanhin at pagtutuwid sa mga maaaring maling naisulat o nasambit ng iba.
Pahabol na caption ng British tech millionaire: "More cases to follow. Currently accepting apologies and corrections from individuals and organizations that spread malicious, false, libelous information about us.
"You might want to be proactive on this one."
Hindi naman malinaw kung naisampa na ba ito sa korte at kung saang hukuman.
Read: Sofia Pablo confirms Allen Ansay stopped courting her
JONATHAN ON PAYING THE RIGHT TAXES, DONOR'S TAX
Noong July 2, pinalagan ni Jonathan ang post sa isang social media app tungkol sa hindi niya umano pagbabayad ng buwis.
Base sa kanyang Instagram post, mahihinuhang nagbabasa siya ng mga post o komento tungkol sa kanya.
Sa kanyang Instagram Stories noong araw na iyon, sunud-sunod na screenshots ang ibinahagi ng negosyante sa kanyang followers.
Una na rito ang post sa Reddit tungkol sa kanya na diumano ay "tax evader"
Sa nasabing post, tinanong ng uploader kung nagbabayad ba ng "donor's tax" si Jonathan at kung meron din ba siyang working visa sa bansa.
Kilala kasi ang negosyante bilang matulungin sa mga charitable institutions.
Sagot niya, "Donations to accredited non-profit, educational, charitable, or religious organizations are tax exempt."
Tungkol naman sa pagkakaroon daw dapat ng working visa, paliwanag ni Jonathan: "I am a permanent resident of the Philippines, so I do not need a work permit. Anything else I can help you with today?"
Sa isa pa niyang IG Story, ipinakita ni Jonathan ang proper documentation ng kanyang kumpanya tuwing sila ay magbibigay ng donasyon.
Makikita ritong nagbigay sila ng property sa isang unibersidad na nagkakahalaga ng PHP36 million.
Paliwanag niya: "I have a team of lawyers, accountants, and other staff overseeing the charity work.
"We file all relevant paperwork and go through all the required due diligence.
"It says a lot more about the haters than anything. I literally just donate millions of dollars to PH education, healthcare, disaster relief, and more, yet their focus is 'donor tax' (which doesn't even apply to charities) and 'work permits' (I'm donating, not working, and I have permanent residence anyway)."