Idinaan ni Miss Universe Philippines 2022 Celeste Cortesi sa social media ang pagsagot sa isang ulat na hiwalay na umano sila ng tech millionaire, British national, at philanthropist na si Jonathan Michael Sterling.
Sa kanyang Instagram Story kahapon, June 24, 2026, nagbahagi si Celeste ng sweet photo nila ni Jonathan.
Nakalagay sa caption ng beauty queen: "Am so burneddd."
Ni-repost din ito ni Jonathan sa kanyang IG Story.
Nag-post din si Jonathan ng larawan ng mga kamay nila ni Celeste na magkahawak sa ibabaw ng isang mesa.
Tila kuha ang larawan sa isang restaurant.
Makahulugang caption niya: "Table for Sterling, party of 3."
Kasalukuyang buntis si Celeste sa first baby nila ni Jonathan. Balak nilang pangalanan ang kanilang baby boy na Sergio.
Mapapansin din ang tattoo sa kaliwang kamay ni Celeste na ang nakasulat ay "HALF FILIPINA."
Ang beauty queen ay Filipino-Italian.
Read: Ateneo Blue Eagles player Rene Baterbonia finally laid to rest
JONATHAN SHARES NETIZEN'S REACTION TO "BILLIONAIRE" POST
Samantala, napansin naman ni Jonathan na naging puntirya na rin siya ng bashing sa Instagram.
Sa kanyang IG Story noong June 23, ni-repost ni Jonathan ang comment ng isang netizen tungkol sa kanyang "I'm a billionaire" post.
Sabi ng netizen (published as is), "Why dont tell everyone youre a trillionaire it doesnt even matter you still dumbass"
Caption ni Jonathan, "Sh*t, they're onto me."
Ang "billionaire" post ni Jonathan ay sagot niya sa paglalarawan ng ilang news sites sa kanya bilang "millionaire."
Nagpahiwatig din siyang lilinawin niya ang lahat ng issue tungkol sa kanila ni Celeste sa upcoming eight-part docu-series ng beauty queen na Celeste Unscripted.
Buong post ni Jonathan, "There have been a lot of false allegations going around online and in the media about me recently, so l'd like to break my silence, come back on social media, and take a moment to correct the record: I am NOT a millionaire. I'm a billionaire.
"(But seriously, if you want the full story, watch Celeste Unscripted when it comes out later this year)"
Read: Jonathan Sterling, Celeste Cortesi’s boyfriend, breaks silence
Isang artikulo sa isang news site ang lumabas kamakailan tungkol sa diumano'y hiwalayan nina Jonathan at Celeste dahil umano kay Bianca Manalo.
Pero mariin itong itinanggi ng Kapuso actress at Bb. Pilipinas Universe 2009.